早前有女生於討論區上發文分享其擇偶條件，表示自己對醫學方面有興趣、愛追看醫生劇，又認為身穿醫生袍的男生特別有吸引力，所以很想認識一個醫生男朋友。不過她也坦言願望達成得機會不大，一來本身不是從事與醫學相關工作，同時她也擔心「正常樣嘅醫生男仔應該已經會有好多護士埋身」。帖文引起大批網友熱論，但有不少人不認同樓主看法，又認為其言論簡直是不尊重護士，「佢哋有自己嘅專業，返工唔係為咗識異性」。
該名女網民於Dcard上發文，稱自己從小就對醫學方面有興趣，每當自己和家人身體不適，她都會上網了解生病原因、症狀、診斷治療方法等。此外，樓主也喜歡看一些與醫療相關的影視作品，「所有醫生劇都有追，特別鍾意睇人哋做手術」，就連每次在醫院診所看到穿醫生袍的男生，她也會被對方深深吸引了，所以一直以來也很希望結交一名醫生男友，「有醫生做另一半仲可以成日聽佢講一啲醫學知識，諗起都開心」。
樓主表示，雖然醫生工作較忙碌，「好多人都話同醫生拍拖嘅最大問題係冇時間陪伴，成日要OT」，但樓主就認為自己在個性獨立，從事的行業亦屬於工時較長的工作，加上她不喜歡男生「太痴身」，自認很適合跟醫生拍拖。不過，她也認為美夢成真機會並不大，「正常樣嘅男醫生應該有好多護士埋身，所以都係由我喺度FF（幻想）下算」。
相關帖文引發熱烈討論，有網友表示有相同想法，「我都覺得著醫生袍特別吸引！！ 機緣巧合識到個醫生男朋友」、「我明白你心情，最近覆診個醫生好靚仔好溫柔，勁沉船」。但大部分網友則認為樓主實在是「諗多咗」，直言醫生私下也只不過是一名普通人，提醒她勿要對此抱有太大期望，「其實我地真係冇咁光鮮亮麗，要亂可以亂過好多普通人」。
另外，有從事護理工作的人看後，紛紛留言表示不滿樓主對護士的言論，「咩叫正常樣嘅男仔醫生有好多護士埋身，當我地做嘢係去拍拖㗎」、「作為護士睇到你咁講應該會唔係幾開心，佢哋有自己嘅專業，返工唔係為咗識異性」、「我睇完都唔開心，我當醫生係colleague（同事），從來無因為佢職業想埋佢身」。而樓主亦有對此解釋，表示自己並沒有冇任何侮辱護士的成分，「呢個社會仲有好多人接受辦公室戀情嘅，話晒識另一半嘅途徑嚟嚟去去都係嗰啲，咁返工都係其中一個途徑啫」。同時，她更新了帖文內容，表示該則帖文只是分享其擇偶條件，又強調自己絕非是「拜金港女」，「真心我唔係為錢」、「絕對接受AA／經濟濟獨立」、「自己人工唔算低，照顧自己生活絕對足夠」。
來源：Dcard
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】請您飲Sundrop桔仔水！↓
↓ 清涼消暑必備！原裝馬來西亞進口 / 富含高維生素C / 健康無添加！↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
