容祖兒今年首支派台作品《九秒九》今日（29日）上架，歌曲由黃偉文（Wyman）與湯令山（Gareth. T）再度合作。去年，二人創作了《緊急聯絡人》，男方將前度名字填在「緊急聯絡人」一欄；今年，故事由祖兒延續，由女方角度呈現出如何徬徨焦躁準備這趟特急行程，可謂是《緊急聯絡人》下集。祖兒透露概念全由Wyman促成，「因為佢係《緊急聯絡人》嘅填詞人，當我俾咗Gareth呢個demo佢嘅時候，佢好快就話俾我聽『不如我哋就寫《緊急聯絡人》嘅下集。』由我作為第一身去講番嗰件事、嗰個感受。」
同場加映：逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己
祖兒坦言對於每個階段的樂壇都有自己很欣賞的音樂人，上一個很喜歡的是方大同，近年是Gareth. T，「呢幾年每一次聽湯令山嘅新歌，我都可以無限循環咁樣去聽，無論佢嘅melody同埋演繹，對我嚟講好有feel，所以今次做新碟第一個想合作嘅人就係Gareth，咁就搵佢啦。」
除了作曲，祖兒亦邀請Gareth. T於MV客串的士司機一角，「佢嘅MV都係佢嘅創作嚟嘅。所以我話：『我今個MV可唔可以邀請你參加呀？你啲MV成日都有你啲朋友，我可唔可以邀請你？』佢話：『ok㗎，我可以㗎。』然之後佢就喺入面飾演一個角色。」今次MV最特別之處是採用一鏡到尾的拍攝手法，面對首次「一shot直落」的祖兒坦言充滿挑戰性，各種的走位細節等，在拍攝前已在祖兒腦海「走」過無限次。另外，又請來著名舞台劇演員、風車草劇團創辦人之一的邵美君導戲，祖兒謂：「有兩個單位我好多謝嘅，第一次合作嘅導演Maggie同埋邵美君老師。好耐之前我已經同邵美君講，『我好想跟你學演戲。』雖然最後冇成事，但今次呢個MV Maggie幫我搵咗美君，我哋一拍即合！喺佢嘅指引底下拍咗呢個MV，個感覺好安全、好有信心，希望大家都會喜歡呢個MV啦。」
Gareth. T在IG留言說：「2022年嘅5月9號，我喺ig出咗個黃色大門翻唱，因為聽咗 @yungchoyee 喺 @concertyy 作品展嘅演繹。
意想不到，過咗兩年後，2024嘅4月29號，我哋呢個組合可以一齊合作，出咗九秒九……希望大家會鍾意呢首歌，因為我第一次聽完已經好鍾意。感謝兩位跟小弟合作 @teddyfanguitar @privatezoo」
撰文：娛樂組
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
