近年香港街頭時常出現「請食飯黨」，到處問路人搲嘢食？早前就有港女網上發文，指在家中附近一間小食店遇上疑似「請食飯黨」， 當時一對內地夫婦推著BB車把她攔住，一開始便以小朋友肚餓為由索取港女手上的一串墨魚丸，後來更是得寸進尺，連她剩下的一盒魚丸也不放過，相當厚臉皮，即入內文睇睇啦！
該名港女於Facebook群組「筲箕灣西灣河關注組」發文講述事件，表示自己早前（4月11日）在區內一間著名港式小食店排隊購買食物，等待了大半小時左右，終於買到一盒魚蛋、一串墨魚丸。正當事主邊走邊嘆墨魚丸時，突然被一對推著BB車的內地夫婦攔住，對方第一時間就問她能否把手上的墨魚丸，「大陸人夫婦推住架BB車，車上有1個小朋友走埋嚟，話嚟探朋友，但朋友未返，話小朋友好肚餓，叫我比手上串墨魚丸佢」。
港女聽後一臉訝異，並回應道「吓，好辣㗎喎！」但對方仍然表示小朋友很想食，無奈之下，她只好把食剩最後一粒的墨魚丸給了小朋友。正當打算離開之際，該對夫婦竟再次把事主攔住，要求她再買一些食物給他們充飢，「我哋都好肚餓，不如妳買嘢比我食」。港女聽後一臉訝異，隨即以「趕時間」為由拒絕，卻沒想到對方相當厚臉皮，竟試圖索取她手上的魚蛋，「話如果妳冇時間，不如比手上嗰盒佢」。
事主表示，這時已不想再理會該對夫婦，於是僅僅回答了一句「盒嘢係買比我老公㗎，你肚餓就自己買嘢食喇」，然後便快速離開。事後，港女於社交平台上公開今次經歷，並在文中斥責現在內地人去旅行簡直是「世界級」，為了慳旅費無所不用其極，她直言「坦白講D大陸人嚟香港玩，有冇咁窮呀～嘢食都唔買，等人哋買完就向人『R』去旅行去到咁真係世界級」。
帖文引起一眾街坊關注，原來有不少人都有類似經歷，表示亦曾在區內遇上推著BB車的夫婦，「前排都有好多相同新聞，你太熱心了」、「我係筲箕灣都遇過…」、「又是他倆，慣犯，活躍鰂魚涌至筲箕灣」。有街坊看後則認為事主太善良，直言這樣很容易會吃虧，並指出繼續幫助這些人只會助長歪風，故紛紛提醒她下次遇見類似狀況時應儘快離去，「呢D千祈唔好答應佢第一個要求，因為你肯比，跟住就有第二第三要求」、「就係咁就得到一粒墨魚丸，呢班人點捨得離開香港」、「最好連食剩果粒墨魚丸都唔好請佢地食」。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
【搶先送❗】Rollink可摺疊行李箱🧳！
↓ 全球最薄！免費成為全港首批用家 ↓
