昨日農曆三月廿三天后誕，「元朗十八鄉暨各花炮會慶祝天后寶誕會景巡遊」在疫情停辦4年後在元朗市中心復辦，藝人楊證樺帶埋太太沈可欣和兩個囝囝一齊參與今次盛事，雖然囝囝只有8歲和5歲，不過為湊熱鬧都無懼冒雨出動，見到他們玩龍珠和龍頭，似乎非常興奮開心。
同場加映： 逆天奇案2｜梁小冰感激老公陳嘉輝寵愛31年 歷父親弟弟離世看透人生：多愛自己
楊證樺的太太沈可欣昨日在社交平台分享限時動態影片，片中見到楊證樺教囝囝如何去轉動龍珠，見到囝囝雖然因為落雨搞到全身濕透，不過當學識舞動龍珠時，心情都非常開心，隨後，兩個仔更有機會嘗試舞動迷你龍，畫面相當可愛。楊證樺接受本網訪問，他表示跟天后誕非常有緣，10多年前搬入元朗居住，第一日新居入伙就撞正天后誕的日子，一向喜歡熱鬧的他好奇跟隨獅隊巡遊，後來認識到獅隊的成員全部都是他的鄰居，越來越熟絡。「拜大樹下天后廟之後，一切都好順利，又識到我太太同生咗兩個小朋友，所以我年年都會拜，而且天后誕我都會幫手巡遊工作。」
提到昨日天氣惡劣，他表示：「原本天文台話會橫風橫雨兼雷暴，我都諗緊好唔好帶小朋友，但問過佢兩兄弟，佢哋都話唔怕想跟埋去玩，好好彩最終都唔算好大雨，只係微微雨，所以大家都全身濕晒，但佢哋好享受，絕對係一個幾好嘅體驗。」楊證樺表示大仔參與過幾年，細仔就第一次參加，不過始終年紀細，所以玩得太攰，中途就「斷電」瞓著上BB車休息，「大仔好叻仔，由頭帶到尾，當日好早差不多朝早8點就出發，去元朗兜個大圈去到12點，中途都幾乎冧偈，見到好攰又面青青咁，咁我就叫佢休息一陣，畀佢去試玩龍珠。」他表示原本龍珠和龍頭不是舞獅隊的人是不可以試，但幸好舞獅隊的朋友在指導下，都讓大仔嘗試，令他們玩得非常開心。「我覺得最想係畀兩個仔感受一下個文化，呢種舞龍舞獅要一直傳承落去，唔係就會失傳或者變形，希望一代傳一代。大仔同細仔都有跟麒麟隊學習，大仔可能有音樂天分，佢打饒拔都打得幾好，有板有眼，最緊要係學習個文化，而且強身舞體。」另外，男藝員簡家麒都有參與，他在IG都有分享自己在巡遊隊伍中的片段，場面非常熱鬧。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓《社群狂歡大激賞》↓
↓送香港迪士尼樂園1日標準門票60張！↓
