ERROR成員193郭嘉駿自爆曾發展地下情 《造星》入行5年半嘗盡爆紅與低潮

文: 羅志宏
2024.05.05

現年34歲的男團ERROR成員193(郭嘉駿),日前為最新派台歌《B出口》接受電台節目《星光背後》專訪,除透露曾下苦功學唱歌,及找來舒文任監製令歌藝大躍進之外;亦披露當年參選《全民造星》,只一心想成為像強尼般的主持;另外,他亦坦承爆紅時因沖昏頭腦失言,以及突然自爆入行後曾發展地下情。

193(郭嘉駿)於2018年首屆《全民造星》於40強止步,其後同年被選中加入組合ERROR正式出道的193(郭嘉駿),出道不久就一度爆紅,惟2021年底卻因失言事件陷入事業低潮。爛件,193因為公然反擊曾志偉批評ViuTV的收視率而引起熱議,獲讚好敢言,令其IG追蹤人數由起初的7萬多,於短短一星期多的時間內,暴升至接近三倍,身價人氣幾級跳;之後卻因網店事宜與網民爆口舌之爭,導致人氣一度下滑。

談到入行時,193否認當年報名參加《全民造星》無準備:「我搵MMO(伴奏純音樂)搵咗好耐,當時乜都唔識,都搞咗成個星期!」從沒學過唱歌、跳舞的193,曾以為節目會像韓國選秀騷般有培訓,「我入去係諗住畀人教我,然後成長,點知一嚟就叫我表演。但踏出咗第一步就唔想放棄,無論自己幾廢都好,嗰幾個月我真係每日都練!」成功躋身99強後,193指未有像隊友Fatboy般視100萬獎金為目標,「我第一日見到姜濤,已經望住佢個樣,仲點望嗰100萬?大佬,佢喺個比賽入面唔係人嚟,咁outstanding,點可以贏到佢?」

罕有談及收入,193指初入行真的像保錡形容般難捱,成軍出道首3年初也不算可觀,「我認為去到《ERROR自肥企画》爆咗出嚟先真係紅,我睇返張糧單,都真係嚇親自己!嗰一排做廣告從業員真係多,但只係維持咗幾個月,然後我就講錯嘢,廣告商就唔見曬,半年都冇人搵過我!」

直接問他會否承認當時變得囂張,193坦承:「對!嗰陣我會咁講,真係沖昏頭腦,突然之間萬千寵愛,果陣入行第3年,之前一直冇人理,突然之間咁多廣告商,明明前一日仲笑緊我,下一日就冇啦啦同我鞠曬躬,嗰陣覺得好威、全香港最紅係我!」他再指當時變得高傲,因此得罪了不少廣告商,直至經歷挫折後,他才開始反省,「依家嘅自己唔同咗好多,唔係淨係向錢看,明白我講錯嘢會連累公司、隊友、同信任我嘅廣告商。」

曾自爆讀書時期拍拖經驗豐富的193,入行後鮮有緋聞及談及另一半,節目中,他大方承認18年底出道後曾拍拖,但只得身邊數個兄弟知情,不過,他亦指目前已回復單身,「我認我拍拖都唔會公開,我驚公開咗之後,會影響到人哋,萬一同佢分咗手,佢可能會難咗識男仔,或者會被標籤成『193前女友』,因為我193都唔係咩好人,兩個人嘅事,留返喺兩個人嘅世界。」193亦坦承公開戀情,會影響一眾粉絲「老婆」對他的觀感,故即使有對象出現,他只會選擇地下情。

同場加映:【著數慳家王】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【社群送禮】送ZAO深層倍潤護膚套裝!↓

↓為肌膚注入保濕力量↓

↓為肌膚注入保濕力量↓