湯洛雯迎接37歲生日，連日來都與不同的朋友慶祝，她分享了飯局上跟朋友們的合照，講到明「有對的人在身邊」就日日都開心。在其中一餐，她跟「鐵馬家族」馬國明、唐詩詠、黃嘉樂及林子善慶祝，今次鄭嘉穎同樣缺席，反而這個飯局則加入陳敏之與老公雷偉信。不過壽星女湯洛雯就故作神秘表示今晚（5日）晚會有神秘晚餐，究竟有冇「大哥」鄭嘉穎」份呢？
同場加映：Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
鄭嘉穎、馬國明、唐詩詠、黃嘉樂和林子善因為拍劇集《鐵馬尋橋》成為好友，關係似足一家人，以兄弟姊妹相稱。不過，似乎友情不再，近年已一直盛傳鄭嘉穎與馬國明鬧翻，所以前者已多年缺席聚會。當日鄭嘉穎被問到兄弟反目一事，講到好玄，但又似乎句句有骨，其中一個原因是人去到某個階段，做某啲事會浪費時間，所以切斷某一些東西，還相信馬國明都會一樣明白。
5月6日是湯洛雯正日生日，壽星女多人愛錫，近來已經陸續跟不同圈子的朋友食飯慶祝，她在IG內分享，日前先跟岑杏賢、朱千雪和蔣家旻來一個女子飯局。之後在昨晚貼出另外生日飯局相片。她寫道：「Happy birthday to meeeee，好多謝咁多位兄弟姊妹陪我過生日，感恩有你地咁錫我，其實有對的人們在身邊，真係日日都好似生日咁開心。」
其中一個飯局，就係跟「鐵馬家族」一班人慶祝，不過今次鄭嘉穎仍然沒有出席聚會。但聚會上反而有陳敏之與老公雷偉信。之前林子善表示一班人慶祝「四、五月之星」壽辰，「鐵馬家族生日聚會加埋敏之雷哥，咁啱大家差唔多生日梗係齊慶祝，多謝二哥二嫂嘅招待請大家食飯，成班細佬細妹成日都上嚟搞搞震。」當日有四個主角，枱面上則放了5個不同款式的蛋糕。
湯洛雯分享照片同時，亦預告了今晚會有特別節目，她表示：「今晚有個神秘晚餐，下回分解。」未知這個充滿神秘感的晚餐，會唔會有鄭嘉穎份？老公馬國明都立即在帖文留言：「好神秘…。」網民都讚馬國明越來越有情趣，亦有人不忘留言祝福「造人」成功，「生日神秘禮物是小小馬。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【U Jetso】Mother Pearl圓貝健康好味便攜輕食！↓
↓ 方便又健康好味！多款口味可供選擇！ ↓
