現年82歲嘅蔡瀾上年因為心急救愛妻令自己受傷入院，出院後狀態憔悴，一度令粉絲們非常擔心。不過昨日鄭丹瑞（阿旦）post出同蔡瀾合照，見到蔡瀾精神回復飽滿，面色非常好！
鄭丹瑞Post出同蔡瀾嘅合照，相中背景見到二人似乎係去「飲茶」，鄭丹瑞留言：「我的恩師💪💪當年是蔡瀾先生一錘定音：『小男人周記梁寬這個角色，非你莫屬！』」相片中蔡瀾雖然坐輪椅，但面色紅潤，面帶笑容，就算冇剃鬚都精神飽滿，同佢剛出院時狀態大相逕庭。
鄭丹瑞早前曾經於節目《諸朋好友》中道出佢同蔡瀾先生嘅淵緣。當年佢同多位文人創作出《小男人周記》劇本，當年《三人新世界》爆紅，想搵男主角林子祥出演《小男人周記》，不過林子祥回絕，並表示阿旦先係合適拍，但當時阿旦並冇信心，最終拍成戲嘅計劃擱置一年。後來蔡瀾聽過《小男人》嘅廣播劇，堅定覺得要拍成戲，當時阿旦就指苦無男主角，蔡瀾就話：「你咪就係男主角，你咪就係小男人梁寬（《小男人周記》男主角），把聲（廣播劇）係你講嘛！你得！」鄭丹瑞表示未見過一個前輩咁肯定話一個「𡃁仔」得，最終更輾轉將劇本由邵氏買到嘉禾拍成戲，成功大收，鄭丹瑞亦因此由幕後走到幕前，至今仍對前輩帶挈心存感激！
蔡瀾上年4月突然表示無限期停更日記，因為股頸骨摔碎，換成一塊金屬，令佢心情不佳。後來接受訪問時談到太太於定中跌倒後不久便離世，自己亦因為情急救太太摔倒。蔡瀾透露整理亡妻遺物時有感而發，認為人生已到晚年不想有太多負擔，於是決定將所有收藏品送走。而佢喇沙利道的舊居已重新裝修，暫時未決定會否回去住，或者會出售改住酒店。蔡瀾目前正入住豪華海景酒店，每月8人團隊照顧自己，從助理管家到專業醫生護士全天待命：「平時我有秘書、我的助手、早上有護理姑娘，還有兩母女是印尼傭人，共有五位。晚上多兩位護理，一共七位，加上司機八位，總共有八個人。」估計每個月出糧至少50萬。
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
