洪永城與太太梁諾妍（Inez）於2021年結婚，同年誕下大女「Sir Face」洪靖嵐（Amber），今年3月再誕細女「Sir Face 2.0」Beryl。Inez昨日自爆「媽媽最痛」患上乳腺炎，更搞到連日高燒。
同場加映： 娛樂 • Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
Inez連日都冇更新佢嘅社交平台，原來係身體出現問題：「失蹤咗幾日嘅我終於返嚟。我去咗邊？去咗發高燒。星期六晚開始發燒，半夜瘋狂發冷打晒冷震骨痛成日超攰完全唔知發生咩事心
星期日早就燒到39.2做晒5合1檢測都係全一線very clean，諗嚟諗去都唔知點解，直到一位媽媽朋友話係唔係乳腺炎。」
Inez續指因為自己太忙而泵奶泵得唔夠頻密「出事」：「我星期四同五真係太忙有試過z次過咗7個鐘先泵，又因為我量多嘅關係，應該已經塞咗其實右上胸已經痛咗好多日我完全唔為意，星期日持續嘅高燒食退燒藥都冇好到，最後黃昏時間堅辛苦頂唔順去醫院睇急症，姑娘再幫我探熱已經燒到39.7度，誇張！醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇下啲菌有冇入血，打咗抗生素針同高燒止痛針。」
Inez表示佢做足晒可以做嘅嘢，但「病情」頑強，再嚴重更加有機會要開刀：「星期一其實都一直反覆，我努力做晒我可以做嘅，埋身親餵、23個鐘泵一次、準時食藥、休得就休、餵前用熱毛巾敷、餵後用凍椰菜敷、食supplcmcnts、食得清淡、飲好多水+通草etc.今朝起身個人終於冇再發燒發冷，雖然個胸仲係又紅又腫又痛……冇發燒我已經覺得打贏咗一半，因為如果太嚴重要用針抽膿/做手術開開個乳頭放膿，omg希望冇呢一日。」
最後Inez話今次經歷辛苦到難以形容，所以佢先分享畀大家，希望大家可以避免犯同樣錯誤：「各位媽媽千祈唔好好似我咁，辛苦到唔多識形容，個胸都痛到唔識形容。過來人建議：有得親餵就餵，餵完最好再泵清佢；泵都唔好過4-5個鐘，真係會好易塞；定時要按摩；吃都要吃得清淡啲（我肯定係星期四，食完糯米出事）乳腺炎真係打大佬，希望大家唔好經歷。」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
《社群狂歡大激賞》！送hellolulu最新系列袋款🎁！
