TVB健康資訊節目《早D知早D醫》昨晚（7日）播出的第八集，邀來乳癌康復者林淑敏（Mandy）分享抗癌經歷，身為長跑好手兼是馬拉松常客的Mandy，更與主持何沛珈一同跑步，發放健康正能量。林淑敏近年於《愛·回家之開心速遞》憑「大小姐」一角登上事業巔峰，但其實她於2010年曾確診第二期乳癌。
林淑敏於節目中透露，當年因摸到乳房位置有硬塊立即求醫，經檢查後確診罹患乳癌。事隔14年，林淑敏對醫生當時的反應及說話仍然記憶猶新：「醫生開頭好樂觀，話『如果係水的話，幫你抽完就走得啦』，但照完超聲波後發現有少少問題。醫生好沉默，之後抽組織，第一針係『椰絲』，第二針都係『椰絲』，第三針……全場唔出聲，結果報告顯示患上早期乳癌。」
林淑敏坦言曾怪責上天「為何是我」，幸獲醫生鼓勵，加上努力維持樂觀正面心態，撐過了為時多年的抗癌旅程：「醫生同我講：『你唔會死嘅，你離死亡好遙遠，但係必須要花時間面對，治療並唔係傷風感冒，一兩個星期搞得掂。』」最終林淑敏接受移除腫瘤手術，再接受4針化療和18針標靶治療注射，並每天到醫院接受放射性治療。
林淑敏透露注射了第一針化療後，開始出現脫髮副作用，頭皮更一度痕癢至受不了，她指當時直接狠心把頭髮扯掉：「痕到搞唔掂，自己抆甩佢（頭髮），一抆就甩，之後舒服晒。」
正所謂禍從「口」入，林淑敏自揭患病前飲食習慣相當不健康，愛吃雪菜肉絲餐蛋米粉做早餐，還自以為吃得清淡：「每日食餐肉，原來會吸收好多人工防腐劑同色素。」林淑敏現時會自備健康餐開工，包括自家湯水及大量蔬果；除飲食習慣有180度大轉變，更養成良好的跑步習慣，價值觀亦有極大改變：「依家活在當下，保持情緒開朗，對病情好重要。」
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
