《東張西望》日前有一名求助人指自己戶口450萬存款懷疑被細女提走，不過節目播出之後就嚟一個大反轉，仲成為大家茶餘飯後話題。《東張西望》都乘事件繼續發酵，「抽乾」求助人。
同場加映： Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
近年唔少人都搵《東張西望》求助，希望尋求「公道」，日前播出兩集，76歲何伯同細佢30年嘅太太向東張求助，指自己戶口450萬被提走。然而何伯同太太嘅故事引起極大迴響，事關何伯同太太認識短短一個月對方就向佢索100萬做飲食生意，而佢一身嘅行頭更加係何伯送畀佢嘅結婚禮物，唔少人都質疑佢係愛金定係愛心，觀眾都一面倒認同何伯5名子女嘅反對，更認為一眾子女「做得好」。
雖然節目已經播出兩日，但討論度仍然非常高，更有網民「抽絲剝繭」，將新何太一身行頭列出並研究當中價值；另外又有網民留意到短短幾分鐘片段，何太換咗3次耳環，貪靚之餘真係好尊重個場合！
而《東張西望》都食住個勢，唔再「持平」，緊握流量密碼，將何伯何太改圖為《珠光寶氣》多元宇宙，再次剪出何太「曬行頭」片段，再加上大頭mood shot，配上關淑怡主唱嘅《珠光寶氣》主題曲《鑽禧》，成功令到唔少人讚好，網民咁齊心，真係好少見，成功團結香港！網民留言多謝《東張西望》提供娛樂，又指何太「計錯數」：「諗住利用東張，點知比東張消費番轉頭。」、「今次東張西望將呢單野發揮到極致，揸到盡呢單花生新聞收視。」、「條片咩事，搞到好似偶像劇咁樣。」、「東張搵到呢個狗血劇情，收視爆燈。」、「佢一定後悔搵東張。」、「東張消費到佢暈。用到盡。」
圖片來源：《東張》截圖
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
