現年29歲嘅港姐冠軍馮盈盈入行以來只係承認過十優醫生男友「寶寶」鍾文浩（Martin），當時愛得高調嘅佢經常猜男友出席公開活動，而自二人分手後Martin都冇再現身，日前Martin罕有拍TVB節目《早D知早D醫》，更與馮盈盈同屆港姐魏韵芝同師妹宋宛穎有互動。
同場加映：Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
日前《早D知早D醫》邀請第一季《中年好聲音》參賽者梁德欣（Mimi）分享患上系統性紅斑狼瘡嘅心路歷程，亦搵嚟皮膚專科醫生講解，而呢位醫生正係Martin。Martin formal地着上西裝，一如以往斯文同穩重，不過就明顯殘咗同埋脹咗，醫生工作果然唔簡單！馮盈盈曾於《後生仔傾吓偈#》中指鍾文浩家境富裕，中學時就讀喇沙書院成為十優狀元，順利入讀港大醫科畢業，與馮盈盈拍拖時為瑪麗醫院內科醫生，現時Martin以「港大醫學院臨床醫學學院內科學系名譽臨床助理教授」身份，詳細地解釋病症，可謂聲價十倍。
馮盈盈同Martin拍拖時曾經講過男方前幕前工作有興趣：「其實男友有意做幕前演出，不過要等考完專業醫生資格之後，佢之前已通過了風濕及臨床免疫科資格，所以就帶佢見大場面，等佢熟習面對鏡頭。希望佢之後可上我同麥明詩節目做嘉賓，將來大家拍住上合作，他講醫學，我講飲食，好似神鵰俠侶一樣。」可惜已經物是人非。
馮盈盈同Martin當年經常放閃光彈，更試過被拍到當街咀嘴，之後他們合資買入何文田豪宅同居試婚，不料半年後就結束4年情。馮盈盈分手後曾先後與何猷亨、鄭衍峰、方力申及高鈞賢等傳過緋聞，但從未承認，近年仲性情大變，表示未來兩年會專注工作同學業，拒絕拍拖。舊愛Martin則於2021年與曾投考TVB藝員訓練班的黃潁妍結婚，黃潁妍2017年曾在時任男友鄭雋熹陪同下一同到電視城面試，當時報稱任職空姐，惟最終落選。
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮】送ZAO深層倍潤護膚套裝！↓
↓為肌膚注入保濕力量↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
