陳樂榣（Ally）上年與天堂鳥Gordon（葉泓聲）再婚並誕下可愛囡囡Gia，事隔九年再做媽媽，照顧家庭同時又成功兼顧好事業，今天Ally趁母親節分享做媽媽的「學習」過程，同兩位千金以及老公祝大家母親節快樂！
Ally年少事已開始從事藝術教學工作，經常都要接觸小朋友，一直覺得他們都很可愛，她亦非常喜歡小朋友。Ally 2015年誕下大女Aria，上年細女Gia出世，Ally表示兩個女性格大不同，而她自己隔了9年再做媽媽，心態亦有所轉變：「第一個（Aria）當佢係寶，長時間攬住，其他人過嚟想抱佢摸佢都會好警剔，所以湊得比較辛苦；第二個交託畀我老公同屋企人照顧，變咗心態上輕鬆好多，唔會怕咗湊bb。」
母親每每都會為子女付出所有，不過Ally表示不覺得自己是「犧牲」，因為與女兒們度過的每分每秒都非常快樂：「冇乜話犧牲咩，過嘅時間都好開心，唯一我好貪靚，覺得老得快啲，有時我都會諗唔生，身材都易keep啲，或者個樣會後生啲。」Ally除了是媽媽，更是個「女強人」，經營多間公司，與女兒相處的時光更為珍貴：「其實我都係full time job媽媽，所以最開心都係返到屋企，佢衝過嚟叫我媽咪，同埋同佢哋一齊玩嘅時間，見到佢哋開心嘅樣我就最開心。最大得着梗係有兩個寶貝女，多謝個天賜我兩個寶貝好可愛好健康，有咩唔開心，見到佢哋就開心番晒。」
為人父母同時是一個學習過程，每個小孩子都是獨特的，不可以「一部通書睇到老」，Aria將踏入青春期，Ally亦小心翼翼維繫和女兒的關係：「如果大女我擔心有時鬧完佢會唔開心，鬧完佢我都好心痛，反而我自己都會檢討下，我啲咩可以做得更好，令佢改善，唔係一味哦佢、鬧佢。」Aria不單靚樣似足媽媽，就連性格也是「copy&paste」：「爸爸（Gordon）成都話，硬頸，啲性格好似你咁，口不對心，死都拗番生……」不過得9歲嘅Aria都識得反省自己，勇於認錯：「佢都好好，譬如鬧佢過後佢都會say sorry，我都好欣賞佢。」
Ally都同一般家長一樣「望女成龍」，不過覺得健康快樂最重要：「其實我想啲仔女係專業人士，但期望都係佢品德、心地方面，要去到好高學歷或者頂尖人物，都睇佢自己性格。希望佢開心成長，開始青春期反叛，期望佢有性格但都要乖，學業上努力啲，但佢讀國際學校，大家都冇咁辛苦。」Ally同時是多間公司的老闆，不過她於職場上亦是以溫婉態度待人，亦信任她的同事們，所以不會有「轉換心境」的煩惱：「職場上我都比較似一個『媽媽』，我唔會好嚴厲，唔會擺款，想一個團體大家一齊做好件事，畀啲信心員工，放手，都好多謝佢哋。」
大女Aria亦有經營個人社交平台，不時會將跳舞片段上載，甚有表演欲，被問到會否支持囡囡加入演藝圈，爸爸Gordon就表示會做她的強大後盾：「如果佢真係好熱愛就會幫佢一把，叫畀啲捷徑佢行，做藝人要行嘅路太多，我哋都撞好多次板，會講佢聽點行最好；當然到時佢都會有自己一套，我哋都要跟個潮流，我哋都要學習。」Ally亦表示同意：「始終都要畀佢試，撞下板，我都係過來人，阿媽越唔畀越要做，做咩工作都可以吸收經驗，我哋做back up。」
Gordon對Aria視如己出，感動原來沒有打算拍拖的Ally，二人迅速組織幸福四人之家，Gordon亦感激太太付出，除了賜他兩位寶貝女，太太於生意上亦助他付諸實行：「希望老婆開開心心，照顧埋我呢個大細路，識我老婆之後變得好快，成功男人背後女人有個女人，我依家認同。母親節未諗到點表示，因為我係一個好重家庭嘅人，我每個星期日都set咗要一家人一齊食飯，個個禮拜都係母親節。」
Ally的爸爸因投資的生意在97金融風暴欠下巨債而「走佬」，300多萬的債務全由媽媽一力承擔，當時在加拿大的Ally亦因此放棄升學賺錢養家。養兒方知母恩，Ally回想起當年媽媽對自己非常嚴厲，但如今想起來都很感激媽媽的鞭策：「我會諗起媽咪細個原來湊我咁辛苦，因為佢都有做嘢，我都唔應該成日話佢唔陪我哋……我媽咪比我虎媽啲、舊派啲，要去好多補習，考唔到一個分數都畀人鬧到狗血淋頭，但依家就理解，以前就覺得佢做咩要搞到我咁唔開心，依家知佢用心良苦，好彩你逼我學琴，依家有啲技能。多謝佢，咁多年辛苦晒，依家可以享福喇媽咪！」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
