於《愛回家之開心速遞》飾演賈名媛的邱芷微（Chelffy）一向熱愛唱歌，日前與《中年好聲音》唱將吳大強Bill 於香港仔登台，兩人首度合作具壓台感，全場high爆。
同場加映：Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
Chelffy表示音樂會海報未出街，已經獲主辦單位VIP優先預訂時全場售罊，反應超熱烈：「我都係第一次做主唱，本來都好擔心有冇人睇。但估唔到原來咁叫座，所以主辦方想我同Uncle Bill 再加場。」被問到兩人首度合作有何趣事分享，吳大強表示太太大讚芷微專業：「我太太好少跟我出席晚宴show, 佢一聽到有賈名媛就好開心，仲讚佢一啲都唔似新人，做show好專業，唱得又好。」隨即在旁的Chelffy亦笑言自己於比賽時未開竅：「以前我唱歌好拘謹，都係參加完《中年好聲音》之後，同班唱將們交流得多，加上接多咗show不斷鍛鍊，因此現在我才變得更收放自如。」吳大強亦笑言於比賽中習慣跟後生們合作：「同佢在encore時即興合唱《鐵血丹心》，估唔到大家冇夾過都咁有默契，呢啲歌佢都識唱，所以希望大家都支持佢。」
談到兩人近況，Chelffy 透露近日除了忙於商演及劇集拍攝之外，還要兼顧幕後工作：「最近正在籌備小朋友戲劇演出，所以都忙於選拔小演員，寫劇本及教做戲等。」另外吳大強表示最近從加拿大度假返港後忙於商演：「公司都幫我接咗好多商演，所以返到嚟都要不停練歌籌備，例如5月尾去伊館為區瑞強擔任表演嘉賓，仲有六月尾《中一》嘅演唱會等。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
