現年32歲的TVB女藝人吳嘉儀（阿七）入行多年，曾在《開心無敵獎門人》擔任新長老而為人認識，而她最為大眾熟悉的就是今年初曾與新婚幾個月的老公起爭執，關係一度僵硬，曾呻婚後大受委屈。吳嘉儀於3月時更於IG鬧爆TVB幕後同事態度差，時隔兩個月，吳嘉儀今日（10日）於IG社交網上再度發火，狂轟遭到幕後同事的不禮貌對待。
今日（10日），吳嘉儀（阿七）於IG社交網上再度「爆Seed」，發文大爆被TVB幕後同事不禮貌對待，大呻態度差，被人直喝一句：「你坐喺度賴死都唔會有人幫你整頭」。吳嘉儀發文狂轟「被針對」，全文如下：
其實，我都係被通知番嚟試「造型」，準時換衫跟住入化妝間試嘢。
我事前都唔知道冇book，咁溝通清楚咪大家都好做，試唔到咪唔試囉，
唔駛喺化妝間對岸大聲呼喝過嚟嘅。
我搵個空位坐埋一邊，
諗住打個電話問清楚d個安排，仲要加句話我「賴死」
難道我特登老遠番嚟呃個古裝look？
大家同事唔同部門都係做嘢啫，以禮相待好嗎？
#將心比己
#就算沒必要友善也不用苛刻
#針對一個九線演員有用嗎
#非常想念那些友善但退休了的同事
然後坐低食件熱狗，悲就中來，兩行眼淚。去到canteen發現又轉手了，幸好大多熟悉嘅員工仍然留守。啱啱入行時，有前輩分享話後生嘅梗要受吓氣啦，鬧吓鬧吓比人鬧慣就冇嘢。我心諗：咁係咪到我老咗又變返鬧人果個？哩d係惡性循環。時代唔同，職場都講求互相尊重，需要雙向嘅，希望大家都謹記互相尊重。
同場加映：【香港周圍遊】最新影片
早在今年3月，吳嘉儀就曾發文大呻工作慘況，遭到TVB幕後工作人員零尊重，她說：「而家啲後生同事（希望係個別啦），啲態度、禮貌…？你叫人工作啲語氣好似命令咁，我好有禮貌喺訊息問佢詳情已讀不回。到我再主動搵佢確認時間，佢話原來明天唔需要我，改期。當初搵我（應承）做嘢咁有禮貌，而家我答應咗，髮都染埋等你約，就咁嘅態度。我做唔做都冇所謂㗎，工作嘅嘢睇意義、睇互相尊重，唔係睇你幾個Shows，你都可以搵過另一位Cast。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
