伍富橋同太太Shirley結婚兩年，二人雖然未生B，但就一齊組織咗一個「大家庭」，日前佢哋又加添咗一個新成員，正式成為九口之家！
同場加映： Katch The Pop 2024│MIRROR+ERROR與鄭秀妍Jessica同台表演 怕獻醜互相鞭策提升能力
伍富橋太太Shirley本身養咗5隻貓貓，伍富橋婚後就帶埋愛犬「飛雲」一齊進駐大宅，夫妻都係愛寵之人，Shirley除咗成日煮飯畀老公食之外，都唔會忽略一班仔女，親手炮製大餐畀佢哋；又經常買衫仔幫飛雲扮靚影相，做隻貓做隻狗好過做人呀！
日前，Shirley宣布家中再多一位新成員！Shirley post出一隻可愛西摩幼犬嘅片段叫大家投票幫呢位新成員改名！Shirley留言：「我叫咩名好？筋斗雲/肉丁（五香肉丁）／哈利（係愛呀，哈利）/豬柳蛋」片中見到狗狗同飛雲一樣都係全白色，好似一粒棉花咁樣，非常趣緻。
伍富橋接受本網訪問，表示已經揀好咗叫囝囝做哈利，又話原來寶貝仔飛雲呷晒醋，接受唔到多咗個弟弟，：「佢暫時仲未接受到，成日睥住佢。」不過佢同太太都盡力安撫小寶貝：「 我哋每日都同佢講細佬大個會保護你（成年後西摩的體形屬大型犬），所以我都有同佢講爹哋媽咪最愛都係你，細佬排第二！」
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Beauty from Nature自研美極緻水光肌精華！↓
↓ 迅速舒緩肌膚缺水問題！肌膚變得細膩、淨白同緊緻有彈性！↓
↓【角逐打卡王🏆】送AIRSIM無國界上網卡連儲值額🌏！↓
↓覆蓋超過130個國家同地區🗺️一卡漫遊全世界✈️↓
