母親節快樂丨39歲林德信甜曬BB相認做老竇 由林子祥親自為孫女改名
林子祥的39歲歌手囝囝林德信去年11月被揭低調結婚，迎娶拍拖多年的圈外女友Candace，事後無論是他向傳媒發放的照片還是賓客分享的影片所見，Candace身形明顯是「孕味濃」，而且已經見肚，原來是「雙喜臨門」，認真恭喜！今日母親節，林德信分享照片向媽媽及太太致敬，原來Candace已經「卸貨」，恭喜林德信。
同場加映：母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？
林德信去年11月以「準爸爸」的身分，迎娶女友Candace，當時婚禮只限親戚及好友到場見證，非常低調，但爸爸林子祥、媽媽吳正元、繼母葉蒨文、同母異父的哥哥一家等都有出席，非常熱鬧，而林子祥都有唱歌為一對新人獻上祝福。林德信曾經在訪問中透露Candace是由共同朋友介紹而相識，大讚女友性格樂觀。Alex又說自己喜歡小朋友，希望婚後有個大家庭，而當時Candace已經腹部微隆見晒肚。林德信趁今日母親節，特別在社交平台分享對「母親」的心聲，他分享三張相，分別是他跟媽媽吳正元、他跟懷孕的巨肚太太Candace及一張跟BB的合照，他留言說：「my mom used to sing this song to me to put me to sleep. now I will sing it too :) #happymothersday（我媽媽用這首歌哄我入睡，現在我都唱著同一首歌，母親節快樂）」
林德信正式向大家公開自己除了成為人夫，已在兩個月前更成為人父，小公主取名林明，是由爺爺阿Lam（林子祥）為孫女改名，為了答謝太太Candace，除了要好好慶祝太太人生的第一個母親節，並承諾要努力自己的演藝事業，所以另一個「BB」亦同時面世，他即將推出的新專輯Hyperspace已製作完成，感謝太太照顧家庭，讓他可以專心事業，他說 : 「 呢兩個月見到佢坐月好辛苦，又唔出得街，只可以留喺屋企湊仔，真係好攰。」問到Candace，老公是否有幫手照顧BB？她點頭說 : 「其實Alex好緊張我，亦好細心，係一個暖男，冇咗佢我真係搞唔掂，Alex係換尿片高手！」
一向熱愛運動的林德信自細已坐不定，加上等候BB出世更是緊張，Candace爆笑料話：「因為我係順產，喺產房等生產嗰陣，護士問我老公去咗邊度？Alex好緊張又坐唔定，所以周圍行希望放鬆啲，又知我等咗12個鐘仲未生得會好肚餓 ，所以去買蛋撻，我就係食住個蛋撻，多點氣力就生到BB！」Alex計劃遲少少一家去旅行，但老婆Candace就話 : 「你幫我減肥就係最佳禮物，而家所有褲都唔啱著，要著Alex嘅褲！」Alex為家庭忙了一段日子，已做好準備全身再投入工作，努力搵奶粉錢，即將推出的新專輯《Hyperspace》已製作完成，四首新歌屬於跨年代創作，由70年代去Disco到現在的電子音樂，以懷舊與現代結合， 第一首推出名為《Drifting in Hyperspace (超空間)》與鄭嘉嘉合唱，就是想令人一聽就想跳舞，當太太表示想修身減肥，本身是瑜伽導師的Alex，當然就想到將自己新歌的輕快節奏，用來編排一套修身減肥舞，與太太一齊跳，他笑說：「聽住我嘅新歌減肥最好不過， 歡迎大家一齊跳呀。」
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
