《東張西望》前晚（11日）播出何伯跟新何太的續集訪問預告，新何太提出話：「阿叔畀咗身體我、畀咗肉體我」、「唔通有錢就唔係真愛喇咩？咁奇怪！」言詞非常震撼，不少「花生友」網民都大感期待，不過原來節目並不是昨晚播出，而是今晚播出，「何伯&何伯老婆關注組」的網民一早開定電視睇，點知「撲空」大嗌「回水」。
同場加映：母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？
《東張西望》報道的何伯個案已經播出一星期，雖然只是兩集的訪問，但後續的餘溫非常熱烈，何伯成為不少港人茶餘飯後熱論的對象，有人認為何伯被騙，紛紛向五名子女拎走存款的行為投下贊成票，亦有人認為「真愛」無罪，希望何伯和新何太踏實繼續生活，忘記450萬。由於事件越演越烈，《東張西望》火速再次安排訪問何伯和新何太，前晚節目完結前都有播出預告，其中新何太說：「阿叔畀咗身體我、畀咗肉體我，就留啲錢畀仔女保管，留佢仔女攞錢去，我就要跟佢捱苦，先證明到人哋係真愛，咁傻嘅？唔通有錢就唔係真愛喇咩？咁奇怪！」網友形容新何太的「金句」相當震撼，令大家都滿心期待昨晚節目的播出。
「何伯&何伯老婆關注組」昨晚洗版式表達自己對節目的期待，「接近3年無睇電視嘅我，今晚7點就開定了」、「好緊張呀！睇咗半集《東張》都仲未見到何生何太㗎？」、「何伯去咗邊，點解冇嘅？」、「唔想知北上買餸，畀何伯我睇呀！唔好呃收視啦！」、「回水」等等。結果，昨晚節目尾聲只是播出另一款「預告」片，當然大部分發言的位都是新何太，新何太的態度跟第一次受訪有明顯的分別，第一次表達自己大受委屈，因為被何伯仔女誤解，又慘遭粗口辱罵，她更兩度激動落淚相當可憐。不過今次受訪畫風一轉，新何太句句都鏗鏘有力，而且態度「寸嘴」，「冇呢回事囉，我做乜當佢係獵物，我當佢係寶好唔好呀？啲人真係奇怪！」、「佢再娶（就算）個女唔係我，佢哋都一樣反對，你信唔信呀？因為為咗繼承權囉，因為我名正言順做咗合法夫妻，佢哋就冇咗繼承權，佢哋咪先落手為強！」等等，何伯指身邊有人勸阻他，指新何太「迷魂湯」有毒，何伯說：「飲死我？而家越飲越精神呀我！」
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
