萬眾期待《東張西望》何伯續集昨晚播出，何伯和新何太未有畏懼大家的攻擊，反而逐一反駁網友們的留言和指控，新何太揚言自己睇過幾千條留言，甚至追睇到凌晨4點幾才瞓覺。為展現「真愛」，新何太越爆越多，原來除咗手上超過六位數字的首飾外，情人節都收到何伯所送的龍鳳鈪作為「定情禮物」，大到有如「流星錘」一樣，價值近10萬。
同場加映：母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？
《東張西望》繼續報道何伯的個案，昨晚一集何伯和新何太再次受訪，今次換上梁敏巧「招呼」兩人，何伯和新何太對於網友的抨擊大為氣憤，何伯直斥網民是「瘋狗」，認為大家不清楚他的家事，只信「反派」，但自己不會嬲，新何太說：「佢哋攞走晒啲錢，伙食都唔留畀我先生，剩低4千2蚊，我都留喺我先生個袋，我唔要佢嘅！佢隻錶佢叫我去當，我都唔要...住！我仲有錢，頂得住，你留住先，如果萬一我聽你話拎隻錶去當埋嘅話，仔女仲話我係騙子呃你錢添啦！我頂唔順，因為我係好著重名聲嘅人，邪不能勝正！我哋為人直正，堅持走番自己啱條路！」
何伯指網民質疑100萬不能做生意，但他指生意大有大做，細有細做，希望賺到錢可以讓太太享福，新何太即刻搶答：「又話我會袋嗰100萬，唔會去做生意...諗住拎住100萬出嚟先，就住就住嚟開支囉，睇吓做唔做得開。」何伯說：「蝕？預咗啦！我有450萬嘛，做得到咪開心，（蝕咗唔緊要？）唔緊要！」何伯反駁網友認為細女只是為他保管金錢，他說：「我要攞番嚟做生意，你保住我死嗰日，咁我點做生意呀？」對於網友斥新何太所謂「愛」只是貪何伯的錢，新何太冷笑一聲，然後回應說：「你哋太膚淺喇！（咁你愛佢啲咩？）鍾意佢愛錫我，我覺得好幸福囉！幾捨得送呢啲...試問邊個女人唔想搵個愛錫自己嘅老公，唔通老公愛錫我都有罪？咁都要被世人眼光睇佢？應該羨慕我先生啦係嘛？女網民應該羨慕有個咁錫我嘅老公先啱呀嘛！話我呃人錢，我從來唔會呃人哋一分一毫！」
新何太原本打算為自己「炫富」辯護，逐一解釋自己所用的手袋都是幾百蚊的「A貨」，連珍珠耳環都是假，只是珍珠頸鍊是自己花兩萬元在內地買入，不過追問下去，新何太又忍不住將老公何伯所送的龍鳳鈪公開，一對龍鳳鈪相當「重手」，大到有如「流星錘」一樣，新何太笑笑口指價值近10萬元港元，是何伯所送的情人節作為「定情禮物」，何伯認真闊綽。不過隨後新何太透過《東張西望》主持澄清自己不是曬命，而是想表達何伯對她的好，而且口頭上聲稱已經將龍鳳鈪變賣，而此事房屋署亦都已經知悉。訪問在上星期三晚做，沒想到事隔幾日就已經變賣兼通知埋房屋署，新何太真有效率！
節目播出後，「何伯&何伯老婆關注組」中引起廣泛討論，其中兩個貼文是「匿名貼文」，聲稱是何伯仔女的回應，但未知真偽，內容如下：「大家好，本人是何家子女代表，當日從銀行提取港幣四百五十萬款項只為維護我家何姓自身權益,而家父日後的生活所需我們當然會負責到底，至於家父續弦再娶的我們一致表決不會，亦無必要及義務責任供養，如“新何太”有任何異議，歡迎以法律行動解決，而我們何家五子女亦會以法律行動追討在此期間“新何太”向家父所得的所有財產，謹以此平台宣佈」另外，群組管理員再轉發一個內容說：「老豆你封鎖晒我哋電話，我哋先唯有喺度同你講嘢，我哋想約你聽晚食飯啊，如果你OK就WHATSAPP我啦，我知你知道我係邊個。」今早亦有聲稱是「新何太」的簡體字留言，聲稱忍無可忍，永遠愛何伯，如果子女要約何伯食飯，就要先叫她一聲母親，但身分真偽就不得而知。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
