雪櫃其中一個常見故障情況就是結冰，一名男網民指家中雪櫃每數日便會結有一層厚厚冰塊，有過來人指出多因「塞去水」引起，建議出動風筒處理。有電器維修專家指出，雪櫃結霜主要有3大成因，建議勿硬物強行鑿開，亦不宜用風筒處理，否則雪櫃易報銷。
該網民近日在facebook群組「家居維修交流平台」發文，指家中雪櫃冰箱底部經常會無故結冰，「每隔兩至三日就勁厚一層」，令他百思不得其解：「邊度嚟咁多水呢？」故發文詢問有何解決方法。
點擊圖片放大
網民指塞去水引致 出動風筒解決
帖文一出即有不少網民稱面對類似情況：「我屋企嗰部都係咁，請問可以點解決？」、「我同你個雪櫃一模一樣，用咗三年都冇就開始出現問題」。有過來人則表示，通常冰箱結冰都因為「塞去水」引起，有人表示：「儲藏太多引致塞去水」、「去水塞咗，整好咗就冇結冰」。
有人則指出，其實用一個風筒就能解決，「係去水喉結咗冰，塞著咗，雪櫃內水流晒落下層冰格，流唔到機後水箱，拔插蘇，拎走曬冰箱嘅櫃桶，用風筒吹背面白色嘅地方，之後就會不停有水出 ，用風筒吹到再冇水流出就ok，千祈唔好再撳雪櫃嗰個快速製冷，我之後3年都再冇試過結冰」。事主隨後表示，拆開背板後，果然發現排水管結冰塞住，已用風筒將冰吹溶，仍需觀察能否解決。
專家拆解結霜3大成因 不宜用風筒吹
針對雪櫃結霜問題，洗衣機雪櫃維修專家、盈豐維修工程負責人劉敬康曾表示，有霜雪櫃結冰情況一般由3大原因所致，包括溫度調得太低、恆溫器故障令雪櫃不斷製冷，以及門邊膠條老化令空氣滲入，水氣結成冰塊霜雪。他提醒即使雪櫃結霜都不要用硬物強行鑿開，亦不宜用風筒處理，否則易致冷管損壞，令整個雪櫃報銷。
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
