雯雯被癌症病人追數斥「呃錢」 同意報《東張》:有講冇咁快還到

文: 余美鳳
2024.05.16

張致恒(Steven)同太太雯雯誕下4子,經濟拮据,以借錢度日。日前有網民喺雯雯嘅最新影片下留言指被二人呃錢,雯雯亦有正面回應。

同場加映: 娛樂 • 母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛?

一名自稱係Cat嘅網民指自己借咗錢畀雯雯,對方一蚊都冇還過;而雯雯之前搞寵物零食「生意」,Cat似乎都有向雯雯入貨,Cat留言:「你想點呀?畀咗幾個月時間你,爭我嗰萬六蚊一蚊(我)都收唔到,包多春魚都收唔到,之前免費送咁多嘢畀你地,你哋咁對我?!你好快啲還錢,最多比你分兩期,分兩個月每次還$8000,所有Payme過數記錄同埋Whatapp對話我都有keep。」

Cat更指要上電視公開夫妻二人「惡行」,又自爆患癌:「唔好逼我公開晒,我真係諗住搵《東張西望》,標題係『寧願呃癌症病人錢,都唔願意出去打工嘅前偶像夫妻』。唔好逼我,我預咗畀你del留言加block。」

 

 

不過雯雯就冇block佢,仲好冷靜咁回應,更一如以往咁表示自己係未有錢還:「首先,我好多謝你當初主動出現幫我哋。我從來冇諗過呃你,只係我宜家未有鬆動可以還到比你,就算其他人我同樣都係未還,當初你主動企出嚟幫我地嘅時候,我都有同你溝通我冇咁快有能力可以還到錢,你亦話你明白,至於你兩包多春魚,我冇咗你地址,你block咗我,我根本聯絡唔到你。」

最後雯雯更「耍無賴」,指「尊重」對方公開二人溝通過程:「就算你公開一切,我都尊重你,當中亦可以證明到我有講清楚我冇咁還到畀你,所以不存在呃你錢。最後希望你unblock我,比返你地址我寄畀你。亦祝你健健康康。」

圖片來源:Youtube

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】尚品即食燕窩銀耳露!↓

↓ 滋陰養顏助消化!/ 獨家優惠:HK$30網購電子現金券!↓

↓ 滋陰養顏助消化!/ 獨家優惠:HK$30網購電子現金券!↓

↓【夏日密密賞☀️】增添女神優雅氣質💖↓

↓免費換領Les Néréides 2024春夏系列-雛菊環形耳環!↓

↓免費換領Les Néréides 2024春夏系列-雛菊環形耳環!↓