出國求醫|港男轟香港醫療垃圾 碌落樓梯傷腳赴韓求醫 盛讚2點贏香港最後埋單僅$4000

文: 程家健
2024.05.17

香港公營醫療壓力大問題已存在多年,近日一名港男因碌落樓梯受傷到急症室求醫,直指輪候10多小時卻只被醫生敷衍了事,即使赴私家醫院求診也阻礙重重,怒轟「香港醫療垃圾」,決定自費飛往南韓求醫,大讚當地醫院安排迅速,短短3日即可做全身檢查兼做手術,而且收費合理,扣除保險後埋單只需約4000港元。

同場加映:
管家王|風力越吹越弱?$10換零件救幾百蚊風扇 維修達人傳授家電保養秘技

事主近日在連登討論區以「香港啲醫療真係垃圾」為題發文,指早前遭人撞倒碌落樓梯,腳部拗柴,腳踭、腰部及膊頭等多處受傷。當日他即往急症室求診,然而輪候10多小時後只獲安排照X光,「佢話啲骨冇事,打咗個止痛針」,即使事主表明腳踭劇痛,並要求照MRI,醫生卻指因沒有骨折,無法安排MRI檢查,「如果你再痛就再打多次止痛針」。

赴私院同樣輪候數日

隨後事主決定前往九龍區一間私家醫院門診檢查,對方指因他是被人「撞落去」,如需驗傷要前往急症室,並將他轉介至骨科,卻又要再等候多日,

「又要等個骨科醫生返工,約咗下個禮拜,咁跟住我問一問睇完骨科係咪有照MRI,佢哋就答視乎醫生嘅回覆,不過即使照都有可能要等幾日,照完等報告又要幾日,同埋全身照MRI,連埋醫生費差唔多3/4萬。」

凌晨飛南韓求醫 讚有兩大好處

眼見在港求醫輪候時間長、收費貴,事主決定前往南韓求醫,並盛讚比香港有兩大優勝之處:

1. 即日做全身檢查、3日後做手術

事主乘坐凌晨機於早上7時抵達,8時半到醫院門口,9時即可見骨科醫生,上午10時至下午3時進行全身檢查,醫生亦直接建議他照MRI,「左邊間房照,右邊間間房等一陣拎報告」。他指醫生看過報告後,即問「做咩咁遲先過嚟睇醫生」,指其腿部前韌帶及跟腓韌帶斷裂,需開刀做手術。

他指所有檢查全部一日完成,周二檢查、周三為假期、昨日(16日)周四即為他講解手術收費及流程,「仲喺我面前畫畫解釋,佢哋會點樣做」,並安排於周五中午1時做手術。

 

 

2. 收費合理

事主指今次赴韓求醫,全身MRI、所有檢查連同手術,醫療費合計只需4萬港元,因太太為南韓籍,故有國民保險,且其自身保險估計可賠九成,故埋單只需約4000港元,「不過唔知手術之後要住幾多日院,佢哋話最少一個月包咗。」

對於選擇前往南韓求診,事主指有5大原因,包括近、懂韓文,以及認為當地醫療設備較好、診所多,加上有熟人及親戚在當地,而且收費正常。

斥險變殘廢 欲告急症醫生誤診

事主直言「好想告個急症醫生」,指在急症室苦候10多小時,見醫生時「只係講幾句廢話敷衍下,我都同佢講咗我隻腳超痛,佢都係無視」,對方又堅稱只是肌肉痛,未有建議他輪候照MRI或寫轉介信,形容「如果我真係照聽佢講,無下一步自己檢查,真係會變殘廢」,並質疑對方有誤診之嫌。

 

即睇更多健康資訊

更多健康資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【夏日密密賞☀️】體驗最「Cheeful」夏日😍↓

↓免費換領卡樂B Cheeful® 芝士味粟米條🧀!↓

↓免費換領卡樂B Cheeful® 芝士味粟米條🧀!↓

↓【6月限定雙重賞🎉】!↓

↓ 分享打卡靚相即免費送📸↓

↓ 分享打卡靚相即免費送📸↓