芷珊約你丨許志安兩字形容與鄭秀文關係 激動流男兒淚：家庭真係好重要
黎芷珊主持的節目《芷珊約您》先後直擊了溫拿、草蜢、王嘉爾、張敬軒等不同地區的演唱會，並深情訪問他們做歌手的心路歷程，今晚播出許志安受訪的一集，當中安仔提及「安心偷食」事件後，對自己事業和形象的重創，以及跟太太鄭秀文的關係修補過程，過程中，安仔都忍不住流下男兒淚。
同場加映：母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？
許志安首次正式開腔回應「安心偷食」事件，2019年經歷人生低潮的安仔，曾暫停所有藝演工作，直到2022年才正式復出。他向相識二十載的芷珊罕有地重提當年事件，不但對其人生和事業造成極大影響，更足足花了三年時間才能面對心理關口；曾一度收埋自己，甚少回覆電話之餘，更直言不夠膽期望事業會有將來：「嗰刻嘅我係人生最痛苦、最黑暗，睇嘢冇顏色，電話都冇乜點覆。」能夠走出陰霾、勇敢面對錯失，安仔最感激太太鄭秀文（Sammi）的鼓勵、陪伴和寬恕，他緊握拳頭肉緊地說：「我有個責任同勇氣去面對，如果我自己冇勇氣嘅話，真係對唔住愛我嘅人。」並大拋「男人核心論」:「一個男人喺家庭裡面係要咁，要去勇敢地面對所有嘢，而呢樣嘢先至係個核心。」安仔又重提曾形容自己是「壞咗嘅人」一事：「畀個機會我，壞咗做番好。」相當有誠意。在自我療癒的數年間，安仔除靠閱讀書籍舒緩心境，還重拾彈鋼琴及彈結他練歌的日子增值自己，安仔坦言該段沉澱的時間對自己來說是最無價的。
經歷過低潮期後，安仔自覺視野比以前寬闊，待人處事有了不同角度，最重要的是，Sammi 都覺得安仔變得成熟了；Sammi 鼓勵安仔復出，就連演唱會歌單都給予他很多意見。他續指 Sammi 十分關心其內心感受，二人聊了很多，現在安仔學懂聆聽別人，說到此處安仔一度哽咽：「可能以前冇聆聽得咁多，會覺得……你（Sammi）搞得掂。（兩夫妻點去經歷呢幾年？）寬恕，大家有同一舍信仰，真正寬恕係好大嘅愛。」
節目中，安仔的粉絲和演唱會觀眾都有接受訪問，有人坦言為許志安出軌的事感到失望和傷心，但眼見他有勇氣站出來，認為他的專業值得再給予一次認同; 亦有歌迷認為這件事，安仔只需要跟太太交代就足夠，歌迷會繼續支持他。許志安坦言過往一直都有睇網上負評，他說：「我夠膽睇，呢件事係一個傷疤，係跟我一世，亦會提示我做人嘅方向。」而安仔完成演唱會後，激動流下男兒淚，雖然鄭秀文沒有現身，但他特別提到家庭有三十幾人一齊到澳門支持，心中激動難以用言詞去形容。
芷珊與安仔認識多年，見證他與 Sammi 多次離合，問到事件可有令二人感情昇華？他一臉嚴肅表示：「其實我哋分開過亦喺番埋一齊，我都以為係昇華咗，但我覺得呢件事之後，唔好再用呢啲字眼。（點形容同鄭秀文關係？）好好，希望繼續好落去。」安仔全程戴上婚戒受訪，連公演當日亦戴著。談到 10 年後的計劃，安仔表示會繼續在演藝事業上拼命，為家庭花百分之二千努力好好地打拼，形容為「一生的使命」；至於想跟 10 年後的許志安說甚麼，他毫不猶豫地回答：「其實你好幸福，以前唔知。」
至於許志安交代黎芷珊的小秘密，原來跟家中的愛貓有關，他表示貓仔是領養的，根本不知道出生日期，但他硬要將貓咪出世日期定為8月12日，亦是他的生日日期，以後就兩個一齊慶祝，非常可愛。
黎芷珊在IG分享跟許志安的花絮照，她留言說：「第五集，我約咗許志安。我認識嘅獅子座，都係自信爆棚嘅人，只要一下定決心，佢哋就會向住目標進發。當面對否定、批評時，好需要得到別人認可嘅獅子座，係會感到無比沮喪同失落…我識咗超過二十年嘅安仔。就係獅子座嘅典型，所以我可以想像到一個自信滿滿、心高氣傲嘅人，要面對人生一個咁大嘅落差，内心係要經歷幾咁大衝擊….犯錯，係一個不能改變嘅事實，當然要為過失付出代價！值唔值得去原諒，我會睇犯錯嘅人點去面對呢個錯誤，點去壞咗做返好…唔放棄自己，唔躺平，勇敢去面對逆境嘅人，我覺得係值得一個機會，值得一點支持。希望這一集大家可以重新認識許志安。」
港生活人氣本地熱話
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
