彭皓鋒積極面對直腸癌疑進行化療 抗拒切除肛門唐文龍「賽前」打氣

同場加映： 母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛？

彭皓鋒日前分享一張疑似正係進行靜脈注射嘅自拍照，相中嘅佢精神奕奕，面色相當好之餘仲好好笑容，一啲都唔似有重病，佢留言：「積極面對～努力加油！」而佢嘅藝人好友曾健明都有留言為佢打氣。其實昨日彭皓鋒老友唐文龍都Post出二人聚餐嘅合照，似乎係喺兄弟「上戰場」之前為佢打打氣！相中見到彭皓鋒都食得好健康，茄蛋三文治以及一杯熱檸水，好愛惜身體！

化療係一種利用抗癌藥物來抑制及破壞癌細胞嘅治療，化療靜脈注射原理係將帶有膠管嘅針頭插進患者手臂或手腕小靜脈，並連接輸液透明軟膠管，然後將藥物輸入身體，令藥物隨著血管流動，迅速走遍全身攻擊癌細胞。

彭皓鋒上年7月開始感到身體不適，睇醫生照腸鏡，就發現直腸內有一個約5厘米的腫瘤，位置非常接近肛門，一發現已經二、三期。他說：「確診之後一直處於休息狀態，很多東西都不能吃，食量少了很多，瘦得很多很快，從210磅跌到約170幾磅。」佢確診幾個月內激瘦30磅，曾考慮開刀切除腫瘤，但因為做手術就要切除肛門，餘生都要孭「屎袋」，令佢有所猶豫。

+15

+14

點擊圖片放大

彭皓鋒當時表示未有特別難受徵狀，所以都唔太消極，加上幾年間身邊都有唔少朋友離世，感恩自己仍然幸福生活。身為三孩之父嘅彭皓鋒指得知消息時，反而係最擔心太太心情，又話自己一早預咗「人總會發生呢啲事」。太太得知後即時眼濕濕：「佢擔心好多嘢，一嚟好擔心我健康，萬一我有咩事小朋友又點算？」現時飲食方面，彭皓鋒儘量減少吸收糖分，由以前一日三杯奶茶銳減至三、四日一杯少甜。

圖片來源：Instagram