少爺占疑遇街頭騙案兩次仍上當 網上問:《東張西望》會唔會受理?

文: 余美鳳
2024.05.18

近年香港騙案多不勝數,市民稍不清醒就好容易「中招」,商台DJ少爺占(原名:甄子康)在Threads公開一次奇怪的經歷,問問網友自己到底是否受騙,更笑言想嘗試報《東張西望》,但擔心事件太細,未必獲得受理。

同場加映:母親節快樂丨陳樂榣兩孩之母緊張大師學識放手 Aria複製媽媽性格 鬧女最心痛?

少爺占昨日在Threads分享一次的疑似遇到騙案的經歷,正正發生在他工作的廣播道街頭,少爺占留言說:「唔知係咪被騙事件,件事係咁嘅。 話說我頭先泊咗架車響廣播道,突然間有個男人敲我車窗。 佢話自己今朝響商場入邊俾人偷咗個袋,已經報咗警,然之後佢問我可唔可以借三十幾蚊佢坐車返葵涌屋企。佢話自己響呢頭返工,聽日可以返過嚟俾返啲錢我。跟住我就攞咗車裏面30幾蚊散紙俾佢,然後同佢講:『唔使還俾我啦!』其實我唔知道由廣播道搭巴士返去葵涌係咪真係要三十幾蚊。」

 

 

少爺占續言原來已經不是第一次遇到這個情況,而且對白內容幾乎一樣,只是人物不一樣,但他仍然選擇上當原來有原因,「借俾佢嘅原因係,我已經第二次發生呢件事,又係響條街度,唔同嘅人,同一樣嘅說法,上次我冇借到,後尾諗返覺得自己好似好衰咁,可能嗰個人真係冇錢返屋企,所以今次就諗都冇諗過佢係咪呃我,就俾錢佢。有冇人有同樣經歷,請問我係咪俾人呃呢?咁細囈嘅事東張西望會唔會受理?」不少網友對少爺占的奇遇都議論紛紛,其中他的前同事麻利留言說:「我都試過...四十蚊話入機場...但係你唔問吓佢邊個商場俾人偷嘢先,如果係又一城,點解佢唔喺車站問人借要行到上嚟廣播道?」此外,都有為數不少的網友留言稱遇到相類似的情況,似乎大家都「中招」,事關大家認為既然他照返得工,有同事或上司就自然可以借錢,不需要街頭問人借,再者有人指出由廣播道到葵涌的巴士大約只需要10蚊。

不過,網友建議下次一律稱自己沒有現金在身之餘,更有搞笑的提議,「試下話你車佢返屋企?應該9秒9條友閃走」、「下次你可以話:我哋咁有緣不如selfie一張先?睇吓佢會唔會即撇?」、「你借夠$200,然後問佢攞身分證、電話、再寫張欠單,最好影埋相,同現代財仔一樣做法。又唔係唔借,不過有借有還!」等等。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】尚品即食燕窩銀耳露!↓

↓ 滋陰養顏助消化!/ 獨家優惠:HK$30網購電子現金券!↓

↓ 滋陰養顏助消化!/ 獨家優惠:HK$30網購電子現金券!↓

↓【6月限定雙重賞🎉】!↓

↓ 分享打卡靚相即免費送📸↓

↓ 分享打卡靚相即免費送📸↓