毀家駒墳墓者「光頭Bob」早有前科 曾猥褻炎明熹紙板「生吞」蔡思貝

同場加映：馮盈盈否認為嫁豪門進修碩士 望成出色女性：提升修為最重要

自稱「光頭Bob」嘅網紅過去於社交平台發佈內容多次因為違反規則而被剷走，而在其YouTube頻道仍然搵到佢其他行徑出位影片，包括飲豉油，食垃圾、玩垃圾筒，聲稱自己係「白卡」精神病院友，有過度活躍症、人格分裂，更於鏡頭前狂吞藥物。

光頭Bob之前曾去到連鎖餐廳猥褻炎明熹嘅人形紙板，影片中佢向住炎明熹紙板爆粗，繼而強吻紙牌，唔少途人見到都為之側目，更有一名婆婆仗義執言，但佢就一於少理，繼續「發狂」。除了炎明熹外，蔡思貝亦曾遭「毒手」，光頭Bob曾於街邊手持印有蔡思貝嘅報紙，不停用粗口辱罵蔡思貝，又將對方頭像放於下體做出猥褻動作，之後將報紙撕爛生吞，並大叫「蔡思貝好X香甜」。

+19

+18

點擊圖片放大

光頭Bob亦試過到戲院於張婉婷導演《給19歲的我》分享會上大吵大鬧，佢先係去到戲院中拍片高呼：「睇乜X嘢十九歲的我啊，我依家先得十四歲咋！」，指電影在未經當時人之一的阿玲同意之下就去公映，又呼籲觀眾罷睇電影。之後光頭Bob繼續於戲院追擊張婉婷，一出戲院問候對方：「XX老母張婉婷！」，之後繼續行近張婉婷並指：「借𡃁妹上位，呃𡃁妹錢，食人血饅頭！」。該舉動都當堂嚇張婉婷導演一跳，仲不禁「啊」一聲叫出嚟，仲差啲啲仆親。

光頭Bob自稱自己係與另一以古怪行徑出位嘅犯法KOL劉馬車接班人，二人過去更曾一齊拍片，包括到尖沙咀碼頭飲海水、港鐵車廂爆粗、騷擾店員等。

圖片來源：Instagram