東張西望丨放蛇醫濕疹遭女中醫硬除褲取精? 事主被捕 網友:男同事要加人工

文: 余美鳳
2024.05.22

《東張西望》一連兩集報道一單疑似無牌行醫個案,有投訴人指丈夫透過網上廣告,幫襯「阿紅」女中醫打算醫治困擾多年的濕疹,沒想到到診時竟然被要求除褲取精,質疑「阿紅」中醫根本以治療為由,實質是提供色情服務。《東張西望》派員進行「放蛇」行動,男同事「犧牲色相」慘遭除褲...

同場加映:馮盈盈否認為嫁豪門進修碩士 望成出色女性:提升修為最重要

東張西望丨女中醫睇男病人濕疹要除褲採陽? 節目搵男同事放蛇「犧牲色相」

 

《東張西望》昨晚播出「女中醫」阿紅的下集,特別派男同事假扮客人要醫濕疹,並安置偷拍鏡頭,期間,男同事獲安排換上一次性的內褲和除去上衣,安排拔罐和刮痧,不過就被發現竟然用一蚊硬幣去刮痧,但阿紅認為沒有問題,更大大聲粗聲粗氣反擊《東張》男同事的質疑。阿紅一度要求《東張》男同事除褲,但當提到多個問題期間,阿紅已經主動將男同事的褲除低,並聲稱要檢查精液顏色睇身體情況,最終男同事拒絕該項檢查,阿紅亦大感無可奈何。《東張》男同事公開身體的「傷勢」,見他上身有至少三處地方被刮痧刮出血痕,分別在胸前和手臂位置,而旁白的Patrick Sir林溥來更形容:「一世難忘嘅刮痧印記,至於心理上呢?唉...唔好提喇!」認真陰公。

 

 

隨後,《東張西望》派出「貓仔」黎寬怡訪問阿紅,沒想到阿紅反應非常大,否認一切的指控,不斷用強鄉音講「冇呢啲事」、「攞證據出嚟」,由於突然被拍攝,阿紅反應不來,趕客不成功,最終阿紅奪門而出。黎寬怡追上前,阿紅繼續否認,入𨋢一刻,阿紅大力推開黎寬怡,黎寬怡講咗句:「嘩,佢勁大力!」然後露出楚楚可憐的樣子。隨後,阿紅向管理處投訴不果,聲稱報警處理,但黎寬怡非常醒目,一眼就看出她的電話打出記錄根本沒有999號碼,最後阿紅真的報警,但卻因「經營無牌按摩院」而反被警方拘捕,更笠上黑布拉走。

網友們對今次個案議論紛紛,大部分網友都讚《東張》男同事專業,「唉!男同事真係蝕底曬!」、「個男同事好慘啊,要加人工畀佢啦!」、「工傷啦」、「真心支持東張嘅專業精神,極力追求真相。但係,女主持應該更注意自己嘅衣着,唔係拍綜藝節目」、「男同事真係好大犧牲,用1蚊銀刮痧見到都覺得痛,呢鋪真係要加人工。」、「好可憐的男同事,女記者下次追訪要著跑鞋!」、「東張男同事今次真係蝕底哂啦!」等等,認真搞笑!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【6月限定雙重賞🎉】!↓

↓ 分享打卡靚相即免費送📸↓

↓ 分享打卡靚相即免費送📸↓