葵廣夾公仔店冒起！葵涌廣場被喻為「掃街勝地」，除了集合大量美食小店，更有各類平價服飾、格仔舖、手機維修等店舖，不過隨著近年夾公仔熱潮盛起，商場大量夾公仔店冒起，現場所見已有超過1,000部公仔機進駐，分別佔據4層商場，吸引部分市民奮力夾，但都有店舖無人吼。
香港各大商場愈開愈多夾公仔店，繼觀塘廣場、西九龍中心、紅磡廣場、旺角銀城廣場等商場後，夾公仔機熱潮再殺入葵涌廣場。
葵涌廣場早於1990年落成，由南豐集團發展，鄰近港鐵葵芳站，並設有行人天橋連接新都會廣場、葵涌運動場及葵芳邨，基座商場樓高4層，一向設有不少潮流精品店、格仔舖、時裝及小食店等，吸引不少年輕人光顧。 然而，商戶類型近年漸有些少變化，雖然仍然以時裝服飾為主，但同時愈來愈多夾公仔店冒起。
相關閱讀：觀塘廣場變天？記者直擊約200部夾公仔機攻陷商場！
直擊葵廣夾公仔店 最少55間店逾千部公仔機進駐
記者現場統計，商場合共最少坐落55間夾公仔店，遍佈全商場4個樓層，其中一樓多達22間，佔比最多。
▼葵涌廣場1樓直擊▼
另外二樓開設19間、三樓開設10間，及地下亦有4間同類店舖，大部分夾公仔店逾有達20部機，前後合共最少有逾1,000部夾公仔機。
相關閱讀：夾公仔機超蠱惑！間尺膠條封出貨位公仔大過窿 港人鬧爆：根本搵笨
夾公仔店各有名堂 「快樂夾」最搶眼無人吼
現場所見，場內夾公仔店各有名堂，例如「快樂夾」、「講爪」、「爪痕」、 「潮玩家」、「鬼打魂」等，涵蓋各款卡通角色如迪士尼系列、SANRIO公仔，以及盒裝模型，並有不時有學生、小朋友和大人都去「玩返鋪」，亦有人兌換大量遊戲幣，玩得不亦樂乎。不過，最搶眼的「快樂夾」就相對較少人玩，觀察所見多數僅經過「望兩眼」。
▼葵涌廣場3樓直擊▼
▼葵涌廣場2樓直擊▼
▼葵涌廣場地下直擊▼
夾公仔愈開愈多，有人幫襯都有人「彈」，部分市民認為開夾公仔機或意味著是「走向死場」的先兆；亦有人覺得「夾公仔機開燈開到勁掁眼，只係路過都頂唔順」、「香港果啲拎大大把鐵尺，大大塊膠板擋住個中獎位」，不解為何仍可以持續開店。
有市民就認為，夾公仔店因無需人手顧店，成本相對低，變相更容易營運。
▼市民咁覺得▼
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
