直播靈接觸|梁思浩爆黎明詩報夢預告離世 關寶慧揭已故好友Nel Nel曾「到訪」

文: 羅志宏
2024.05.22

由梁思浩、黃紫恩(Jojo)及黃耀英主持,TVB Plus(82台)開台重頭戲及首個靈異直播一小時節目《直播靈接觸》,逢周一晚9點半及周二晚9點35分播映,每集會有各門各派玄學大師坐陣,跟觀眾互動解答靈異疑難,更會邀請有份量藝人亮相,分享他們的靈異經歷。

天生陰陽眼的「鬼后」關寶慧經常拍攝鬼片及靈異節目,「見鬼」的次數可謂無日無之,又揭露在拍戲現場特別多靈異事件發生,她解釋︰「啲靈體好鍾意睇拍戲。」寶慧如數家珍大爆「撞嘢」經歷,數年前拍戲時準備穿上一對連戲拖鞋,其中一隻無論如何都穿不上,她說︰「對拖鞋係私伙,後來睇返其中一隻明顯細咗一個碼。」請教張芯熏師傅後發現,原來有一隻女鬼寄存在鞋內,最後由師傅請走。

關寶慧自爆不少過世好友都會「回來」探望自己或者報夢,當中已故形象指導Nel Nel 張學潤亦是其中一位,她說︰「Nel Nel有搵過,但係get唔到佢嘅暗示係乜嘢,問極都唔知。」她感嘆會繼續努力修行,希望有朝一日可以知道故友們的要求。梁思浩亦表示每次有離世好友「到來」,都會感動流淚,亦呼籲大家珍惜眼前人。

梁思浩表示亦有類似經歷,早前歌手黎明詩(Stephanie)因病於3月28日離世。原來Stephanie臨終前曾報夢跟思浩訣別,他說︰「佢28號走,26號佢嚟搵我,夢中同我講拜拜話『我走喇』,醒咗之後打畀佢屋企人講返,佢哋都唔信,跟住隔咗兩日真係走咗。」

此外,梁思浩早前為一家低收入人仕的12歲小朋友舉行法事,儀式期間思浩默唸「小朋友有咩想交代」,忽然有把小朋友聲回應話「佢哋好衰爭我筒炸雞」。即時思浩詢問身旁父母,母親聽後淚流滿面,因為答應小朋友生日會買炸雞最後沒買,小朋友因此跳樓自殺。

 

同場加映:【今期Chill抵】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送PHYSIOGEL全新男士護膚系列】

↓ 為男士們全天候水分修復💧↓

↓ 為男士們全天候水分修復💧↓

↓【限時搶⚡】味道研究所拿坡里薄餅味Shake Shake粉🍕↓

↓ 想幾時食到薄餅味,拎起一Shake,即時食到!↓

↓ 想幾時食到薄餅味,拎起一Shake,即時食到!↓