JFFT東京自駕遊意外被撞受傷 肇事現場直擊竟然被扣「孖葉」?

文: 余美鳳
2024.05.23

香港人氣YouTube頻道JFFT,走埋一齊就會有好多笑料發生。近日,他們一齊去日本東京自駕遊。這個旅程差不多由一出發就不斷興奮,不斷有驚險事情發生,旅行第二日更遇上交通事故,最緊要人冇事,事後在酒店直播開「記者會」自嘲一番。

場加映:馮盈盈否認為嫁豪門進修碩士 望成出色女性:提升修為最重要

JFFT去年開始越來越多工作,早前舉行了歌謠祭,兼且又推出新歌,他們就趁有空檔去日本旅行叉電。五人分開時間出發,米爺是首批到時日本,他下午二時許已經到達成田機場,原來身無分文,未能兌換日圓在當地消費,最後決定瞓機場,等待老友們零晨機到達再一起出發。

事情一浪接一浪,第二日齊人一起出發,去河口湖睇富士山,兼且可以去剛拉上「黑布」的便利店打卡,不料回程途中遇上交通事故,有另一架車輛疑Cut線期間,撞到JFFT們的車輛。米爺當時就在公路上交待事件經過,他說:「我哋最擔心嘅事情發生咗喇,我哋終於炒咗車,不過我哋係畀人撞,事沿係我哋喺最入條線Cut出嚟最左時候,同時間有個阿叔都cut緊過嚟,但佢就冇留意到我哋就夾硬撞埋嚟。」成員在旁詳細解釋謂,JFFT係三線換二、二換一,但對方就三換一。米爺笑著爆粗說:「佢勁X貪心,跟住我哋留意緊左邊嘅車,佢喺我哋前面突然Cut過嚟,我哋就收唔切。雞翼(另一成員)話阿叔本來已經拎定銀包出嚟諗住賠錢,點知發現我哋唔係講日文(遊客)。我哋係租車嘅,都要同租車公司夾一夾應該點做。」

事件中,JFFT所租車輛右邊車頭被割花,而負責駕駛的成員良少亦有輕傷。不過,由於事情已報警,當地警察到場,同時拉埋良少。JFFT成員全程直擊,還為良少影相,不忘取笑他被扣上「孖葉」,帶往附近警署。幸好,好快就處理完事情,眾成員繼續旅程,但就已搭公共交通工具,乘搭當地鐵路。

JFFT撞車事件,最終成為網上的熱門搜尋,床哥扮作開記者會,於網上開Live交代事件,搞笑扮喊表示他們在日本橋站前往上野的高速公路上發生交通意外。良少就謂一個交通意外,雙方司機都有責任,自己亦會生氣會想為何要撞自己,但當他見到對方肇事司機一拐一拐下車,而且已經拎定銀包賠錢,有責任地想作出賠償,他才明白所有司機並非有心撞人。

就算在旅程中遇上不快,但是JFFT立即拍片放上網供大家分享,而且事後開「記者會」交代事情,網民笑稱他們自嘲夠幽默,而且反應好快。」而且之後就全程把良少做取笑對像,眾人搭鐵道時,不斷影著他。而且更笑指他是「車神」,更專登找回周杰倫拍《頭文字D》時的片段。

 

 

 

其實數年前,JFFT成員都曾經在泰國旅行時遇上交通意外,他們租用當地電單車,疑似違泊被警方扣查,但後來租用的電單車落入黑幫手中,為贖回電單車,他們跟扣留電單車的惡霸交涉,過程更驚險。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送PHYSIOGEL全新男士護膚系列】

↓ 為男士們全天候水分修復💧↓

↓ 為男士們全天候水分修復💧↓

↓【限時搶⚡】味道研究所拿坡里薄餅味Shake Shake粉🍕↓

↓ 想幾時食到薄餅味,拎起一Shake,即時食到!↓

↓ 想幾時食到薄餅味,拎起一Shake,即時食到!↓