TVB劇集《婚後事》延伸清談節目《香港婚後事》由陳自瑤（Yoyo）、賴慰玲、黎諾懿及羅天宇擔任節目主持，今晚（23日）播出的第9集嘉賓姚子羚。作為單身貴族的姚子羚在節目中坦言曾遇結婚對象，對愛情仍然有憧憬，但已經不會強求，更會親解仍然單身之謎！
現年43歲的姚子羚的感情生活向來低調，自從2018年宣布與圈外富家男友分手，結束三年感情；2019年曾一度捲入桃色風波，其後經澄清後現在維持單身狀態，胡說八道的好姊妹亦為姚子羚的感情着落非常心急。
節目中，姚子羚剖白內心世界：「唔係要搵一個人結婚，而係要遇到一個適合你嘅人，我依家唔係去求職，對我嚟講婚姻係一生一世嘅事。」被賴慰玲問她曾否遇過想結婚的對象，姚子羚就坦言有：「但依家回頭望番，嗰個人並唔係可以同我行落去嘅人，可能我最終會離婚，當你唔開心、迷惘嘅時候，往往呢啲人走出嚟嘅時候，通常都係錯嘅，因為你喺最迷失嘅時候，只要有個人行埋嚟，你就會覺得佢好好，經歷咗呢啲事你就realize，啱就係啱，唔啱就係唔啱。」
之後講到姊弟戀和異地戀等話題，姚子羚自爆讀書時試過異地戀：「嗰時喺澳洲讀書，男朋友係馬來西亞人，讀完書之後我返咗嚟香港，佢就返咗馬來西亞，最終就分開咗，雖然我嗰時係讀communication，但我本身唔係好識communicate。黎諾懿問姚子羚能否接受與廿多歲的小鮮肉拍拖？姚子羚就笑言：「廿幾歲，正吖！」之後再正色道：「我諗我未必得，雖然我Keep得幾好，我望落去都似廿幾歲之嘛，如果（相差）5年之內就OK。」
同場加映：【今期Chill抵】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【免費送💝】ghd限量冰藍美髮造型夾✨
↓一機兩用 雙效熱風造型！↓
