無綫節目《香港婚後事》第9集邀得姚子羚任嘉賓，過去子羚的戀愛史中，最為人熟悉的是與鄭子邦（的士邦）的3年情，女方好姊妹更試過在節目大玩模擬婚禮。子羚親解單身之謎，坦言曾遇過想結婚的對象，但認為就算結得成婚，最後也可能離婚收場。
同場加映：馮盈盈否認為嫁豪門進修碩士 望成出色女性：提升修為最重要
《香港婚後事》由陳自瑤（Yoyo）、賴慰玲、黎諾懿和羅天宇主持，43歲的姚子羚仍是單身貴族，對愛情仍然有憧憬，但不會強求，她說：「唔係要搵一個人結婚，而係要遇到一個適合你嘅人，我依家唔係去求職，對我嚟講，婚姻係一生一世嘅事。」
姚子羚坦言曾遇到想結婚的對象：「但依家回頭望番，嗰個人並唔係可以同我行落去嘅人，可能我最終會離婚，當你唔開心、迷惘嘅時候，往往呢啲人走出嚟嘅時候，通常都係錯嘅，因為你喺最迷失嘅時候，只要有個人行埋嚟，你就會覺得佢好好，經歷咗呢啲事你就realize，啱就係啱，唔啱就係唔啱。」
姚子羚過往曾跟的士邦拍拖，2017年子羚與「胡說八道」好姊妹，包括胡杏兒、李施嬅、胡蓓蔚等拍攝節目《胡說八道真情假期》時，杏兒與好姊妹夾計，戴上的士邦的面具向子羚求婚兼行禮。當時子羚感動到眼濕濕即場答應，但當年曾有周刊報道指，盛傳對男方來說，此舉卻等同公開逼婚，令他感到壓力，成為二人分手的導火線。及後，子羚被爆戀上蔡菀珊前夫Raymond，更流出同床照片，不過女方強調早已分手。
此外，《香港婚後事》亦談到姊弟戀和異地戀等話題，子羚自爆讀書時試過異地戀：「嗰時喺澳洲讀書，男朋友係馬來西亞人，讀完書之後我返咗嚟香港，佢就返咗馬來西亞，最終就分開咗，雖然我嗰時係讀communication，但我本身唔係好識communicate。」諾懿問Elaine 能否接受與廿多歲的小鮮肉拍拖？Elaine 笑言：「廿幾歲，正吖！」之後再正色道：「我諗我未必得，雖然我Keep得幾好，我望落去都似廿幾歲之嘛，如果（相差）5 年之內就OK。」
另一邊廂，今集四位主持將決戰四方城，食糊的人可以向其中一位問一個問題，率先食糊的諾懿戰戰兢兢問Yoyo：「你可以唔答㗎……我想問呢，啲人成日提住你喺頒獎典禮黑面，你會唔會唔開心？同埋係咪真係黑面？」
圖片來源：大會提供、資料圖片、網上截圖
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
