現年55歲麥長青（麥包）曾效力TVB 32年，2019年離巢後主力於內地發展，近年仲定居廣州並成立工作室，自己做老闆。不過唔少人記得佢都係喺TVB做配角，日前佢就喺社交平台分享鮮為人知嘅TVB外賣「飯堂」。
同場加映：神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
麥包以「一間店吃了超過1500個盒飯」為題出POST，留言：「香港必吃榜之「性價比最高的演員同款」。麥包指自己食咗呢個飯盒廿幾年，如果想食「TVB藝人同款飯盒」就要跟住佢。麥包表示保守估計自己食咗呢間舖過1000個飯盒，而唔保守估計，應該係超過1500個飯盒。
麥包揸車去到位於黃大仙銀鳳街燒味舖，同店員都顯得好熟絡，指自己掛住呢個味道，並ORDER咗「燒肉、叉燒、燒鵝」三拼燒味飯，佢指餐廳仲會送汽水或者例湯，拍劇時為咗方便運輸多數都係要飲料。
麥包又提到飯Break趣事，指劇務哥哥有首有趣「打油詩」：「今日四方果，有雞又有鵝，唔食就咪（X）攞，食咗就唔好咿咿哦哦！」，麥包解釋四方果就係指佢手上膠飯盒，又指喺呢度食飯可以睇到東九龍同港島嘅風景，真係好正咁話！唔少網民睇到都話流晒口水，唔知會唔會引起內地網民打卡熱潮呢？
圖片來源：Instagram
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
