張繼聰近年轉戰影視圈，努力同成績都有目共睹，仲同荷里活影星基斯頓比爾一樣為角色改變身形，非常敬業。日前，佢喺社交平台分享自己嘅操肌成果，竟然惹嚟網民批評，好在張繼聰都「訓練有素」，冷靜回應佢，似乎亦冇放心上。
同場加映： 神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
張繼聰post出自己喺健身室posing谷肌嘅對鏡自拍照，仲露出自信笑容，畀佢嘅健身教練「驗收」成果，佢留言：「Let’s go 
最近好努力，每日Cardio , on diet , weight training 
減咗差唔多10磅，繼續努力為咗個角色，頂住
多謝師父（Brenda）嘅鼓勵」太太謝安琪都勁Sweet留言：「我陪你吖！」
為做好演員努力，又得到太太支持，本應都係一件好正面嘅事，但就竟然引來一名網民批評：「張生，其實你係演藝人，觀眾首要係睇你演出成點。你表演做得唔好嘅話，健身爆肌又如何。呢啲『幕後花絮』，留番件事成功咗先畀人一窺背後努力，令人有『津津樂道』之感重好啦。我真係冇見過Mick Jagger（英國搖滾樂手）畀人知『我健身啦』，The Beatles（披頭四）話畀人知『我練歌啦』祝好。」
唔少人都力撐張繼聰，指呢位網民「管得太多」，留言：「你唔想睇我想睇囉。」、「真係好誇張，POST咩都要鬧一餐。」而張繼聰都有好冷靜咁回應對方：「咁我應該喺社交媒體分享乜嘢至好？」而呢位最開初留言嘅網民都冇再回應，呢個之後留言更加消失埋，唔知係咪太多人負評所以佢自己刪除埋。
阿聰近年事業抬頭，曾受訪道出辛酸：「我係一個普通男仔，返工搵錢養小朋友，生活唔容易，仲要面對負面攻擊。點樣同人解釋『其實我有嘢做㗎！我唔係靠老婆㗎！我寫歌每個月都有收入！』但我無論寫幾多歌，攞創作人獎，都無人尊重。」幸好阿聰後來已想通：「你哋覺得我係廢柴又好、食軟飯又好，乜標籤都無所謂，某程度嗰個唔係我，認識我嘅人只有我身邊嘅人，把口生喺人哋度，佢可以講任何嘢，我都可以揀認唔認同。」他自言現已學識調節心態，現在遇到負面事情，最多只嬲八分鐘。
圖片來源：Facebook
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
