出爐香港靚仔足球先生與乳神合照 以16CM介紹惹誤會網民想入非非

同場加映：神耆小子丨鄭則士稱人紅未必係強籲保持初心 慶幸能變老：下部劇先係我嘅高峰

Philip除咗係今屆香港足球先生外，同時獲選最受球迷歡迎球星、最佳港隊球員，以及足球明星十一人，個人橫掃四獎。而佢當晚同乳神Model Kylie C.（鄭杞瑤）合照意外被搶鏡，事關佢同Kylie以及四個獎座合照，而今年獎盃設計「中空」，令到Kylie同樣都係中空嘅晚裝唔使浪費，「重點」全部成功入鏡！現年27歲嘅Kylie身材向來頂呱呱，更加好支持港足，不時入場睇波撐愛隊，近年仲做埋「講波女神」，憑足球專業知識，開始主持足球節目，講波有紋路虜獲唔少男Fans，今年新年時於大球場做足球主播出盡「峰」頭，一炮而紅！

另外，Philip嘅個人海報亦被網民熱烈討論，而其中一項介紹寫上「16cm」，唔少冇睇開波嘅人都不明所意：「16CM係咩意思...認真問。」、「係咪打錯? 160cm（身高）打少咗個0？」、「好想睇係咩16cm。」其實陳肇鈞效力港超聯球隊大埔足球會以及香港足球代表隊，喺兩隊都以背號 16作賽，係球隊嘅中場（center midfielder）要員，所以先得出16CM呢個簡稱介紹，如果有諗其他嘢嘅朋友們，要去面璧喇！

+36

+35

點擊圖片放大

「四料足球先生」陳肇鈞成為八年來首個獲此殊榮嘅華人球員，佢表示可以證明香港球員實力，希望令香港人、華人感到驕傲：「一定唔可以睇小自己，一睇小就輸咗半條街。」Philip形容自己放低整肚烏氣，過往雖然贏過最佳年青球員，但曾經歷低潮，被形容表現「災難級」，係直至近季先重新受到球迷關注，亦接連在聯賽及國際賽有表現，終於獲得本地球壇最高肯定。

Philip係繼「英雄輝」葉鴻輝之後再有港腳當選，佢指當年葉鴻輝一直都係佢偶像，亦覺得佢一個年青球員參考對象：「我想跟好多人說，港超是有好多有質素的外援、入籍球員，但我做到的事，香港其他球員都可以做到，可能日後做得更好。」

圖片來源：Instagram