新劇《金式森林》昨日正式進行造型及拜神儀式，今次劇情以珠寶業豪門家庭為背景，掀起爭產風波，郭晉安飾演方家二少，膝下有三子兩女，分別由何廣沛、陳浚霆、羅天宇、江嘉敏及莊子璇飾演，相當熱鬧。陳浚霆今次跳出《愛回家之開心速遞》龍家風少的角色，但今次再演富二代的角色，並有陳星妤飾演他的太太，他坦言心情非常緊張。
同場加映：神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
何廣沛、陳浚霆及羅天宇飾演三兄弟，不過真實年齡卻是「孻仔」羅天宇最大，陳浚霆今次首次在正劇擔當重要角色，難免心情緊張，他為今次劇集都有做足準備，「心情非常興奮，陳星妤係我TVB第一個老婆，希望佢照顧我，我又照顧佢，呢個戲為咗爭身家同地位，我同我老婆就要出奇招，就係盡快要生仔，（同陳星妤有床戲？）呢個就係同《愛回家》好大唔同尺度嘅轉變，《愛回家》演有錢仔，但今次呢個有錢仔就冇《愛回家》風少咁討好，希望畀到新鮮感大家。」浚霆坦言難免有壓力，事關跟《愛回家》的感覺很不一樣，這套劇集沉重得多，「由《愛回家》11廠走去13廠，要即刻轉換心情，（《愛回家》請假？）呢個唔係我話事，等公司安排！希望呢個合拍劇會帶來唔同工作機會，畀更多內地觀眾認識我哋呢對CP。」
陳浚霆透露開工前已經減去十多磅，尤其跟身形偏瘦的星妤合作，定必要清減身形，「不過我阿哥可能性格上正經啲，咁我同星妤可以親熱得來得意少少，合番我哋年紀嘅互動。」至於星妤坦言今次第一次演人家的老婆，跟以往演大學畢業生都不一樣，「唔介意，年輕少婦嘛！做人老婆都係新嘗試，除咗陳浚霆之外，最多對手戲都係何依婷，上套劇我哋演閨密，今次會對著幹，經常都唇槍舌劍。」
何廣沛過往多次跟陳曉華合作，由暗戀、拍檔、情侶、夫妻等都演過，連陳曉華都曾經公開揚言自己最不想合作的男藝人就是何廣沛。今次何廣沛和陳曉華再次同劇演出，不過何廣沛就要改口叫曉華做「阿媽」，「我既然睇我唔順眼，我都唔順眼佢，我開工拍劇次次都會帶塊細鏡喺身，而佢就成日都想照鏡，就要問我借，好啦，咁而家開始唔借喇，橫掂最唔想同我合作。」陳曉華跟劇中丈夫郭晉安真實相距30年，她表示不驚對方，反而很期待跟對方合作交流，問到是否小時候睇《阿旺正傳》？她說：「唔好咁講，當時我都差不多中學喇，我想喺佢身上學多啲嘢，（忘年戀？）同我愛情觀好似，年紀唔重要，最緊要係交流到，冇諗過忘年戀咁關注，(何伯同新何太？）我哋唔一樣，(你咪又係貪人家產？）唔係，我貪人愛情。」而何廣沛笑言希望向監製要求加戲，好想有機會摑這個後母一巴，以洩心頭之恨，問到被安排做羅天宇的哥哥，「天宇唔係第一次做我細佬，《跳躍生命線》都合作過，監製睇到我成熟穩重嘅一面，羅天宇明顯係未戒奶啦！」
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
