周嘉洛近日暫別《愛回家之開心速遞》，繼續在正劇發展，如今正忙於為《武林》開工，由於拍攝工作牽涉大量動作戲，嘉洛都不敢怠慢，除了上特技班之餘，亦有努力健身操弗自己。嘉洛社交平台一向不算活躍，不過昨日激罕分享自己健身室的照片，見他身形變得厚實，而且手瓜起腱得非常誇張，十足《變形俠醫》的浩克一樣。
同場加映：神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
周嘉洛近日忙於為新劇《武林》開工，忙過不停，一向認真拍攝的嘉洛為了在劇中展現身手，努力練習功夫，見到他一時去拳館練拳，一時跟拍檔練拳打動作，忙過不停，而且身手都靈活得多。他留言說：「我發現自己越似Thanos，就越好打！」
嘉洛昨日分享他到健身室做Gym的照片和影片，其中一條片更是左右手拎住30公斤的啞鈴，狂操手臂的老鼠仔，非常勤力。不過其中一張相，見到他的身形變得非常厚實，而且手臂如《變形俠醫》的浩克一樣粗壯，嘉洛留言說：「人點解要操嘢？因為想啲嘢粗啲。短短一日, 後面啲啞鈴比我粗到歪晒，多謝教練 ！」仔細睇，周嘉洛身後的啞鈴竟然變晒形，原來大隻佬身形只是「P圖」，相信網友們都好易睇穿，難得他乖乖自首，純粹想引人發笑。
雖然照片是搞笑，不過嘉洛努力健身絕對是實事，原來他特別搵埋星級健身教練關曜儁幫忙，教他健身操出線條。兩人認識早於入行初期，齊齊都是第28期藝員訓練班畢業，感情特別好，同期還有吳偉豪、招浩明、吳嘉儀、譚焯升、伍富橋、郭子豪、繆家慶等等，除了同學之餘，其實張振朗和朱敏瀚都是靠關曜儁練好Body拍劇，果然厲害！
圖片：周嘉洛IG
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
