林超英加入樂壇｜林超英宣佈6月推首支單曲《超英歌》 率先大爆歌詞︰唔好再問我有冇開冷氣

林超英加入樂壇｜世界環境日推首支單曲

+2

點擊圖片放大

前天文台台長林超英昨日聯同獨立音樂人Luna Is A Bep宣佈，將於6月5日世界環境日推出首支單曲《超英歌》的MV，正式進軍樂壇並繼續宣揚環境。兩人接受傳媒採訪，Luna Is A Bep大讚林超英為一個好學的學生，更是活到老行到老。林超英再分享今次出歌最困難的地方，由於今次歌曲涉及Rap的元素，林超英表示︰「對於一個長者嚟講好高要求，佢個啲字嘅密度係好高嘅。其實嚟到我哋呢個歲數，睇完即刻講返出嚟，來回都己經嚟唔切轉咁濟，咁就唯有喺屋企練左一輪嘅，但去到現場發覺練完已經下降咗，所以去到現場又要再提高返，咁就真係花好大嘅力。」記性成為林超英最大的難題，更表示有一段「錄左N個Take」都記不住，最後就沒有用該段了。

+2

點擊圖片放大

Luna Is A Bep更大讚林超英相當好傾，表示自己過往都新合作的音樂人都會有些尷尬，但與林超英合作就相當好傾，兩人更會在海邊問︰「呢到啲嘢一萬年之後仲係唔係到呢?」非常浪漫。更率先大爆歌詞「唔好再問我有冇開冷氣，如果我開冷氣我會通知你！」都是因為Luna Is A Bep認為林超英有趣，刻意加入歌曲。林超英再補充解釋，不論現實丶Facebook都不斷收到人問他有沒有開冷氣，故此歌詞其實亦是林超英的心聲。訪問期間林超人更不厭其煩再度呼籲人盡量不要再開冷氣，尤其為女性，因為女性氣血比較差，所以就要小心呼吸系統，小心關節，所以要減少開冷氣。

+2

點擊圖片放大

當日更率先公佈了MV部分片段，可見林超英造型相當潮爆，配合上Rap，令人非常期待！

+6

+5

點擊圖片放大

最後林超英更向傳媒大派心心，十分識做！新歌《超英歌》的MV將於6月5日「地球環境日」推出，記得留意！

+3

+2

點擊圖片放大

同場加映：【香港周圍遊】最新影片