《中年好聲音》兩屆參賽者李佳、羅啟豪、龍婷、支嚳儀、古淖文、譚輝智、顏米羔、黃劍文、林若盈、沈宗賢等昨日出席「2024 TVB年中節目巡禮」活動，會上大會公開將會推出《中年好聲音3》，預計將會再有師弟師妹誕生，他們都大感期待。而綜藝節目的預告中，驚見羅啟豪和譚輝智現身三姐的煮食節目，莫非...？
同場加映：神耆小子丨鄭則士稱人紅未必係強籲保持初心 慶幸能變老：下部劇先係我嘅高峰
節目巡禮中，《中年好聲音3》和《聲夢傳奇3》預告將會開辦，令不少人期待，「中2」的三甲古淖文、譚輝智和顏米羔接受本網訪問，他們表示絕對歡迎，代表觀眾支持才有新一屆，特別是古淖文，他表示這個《中年好聲音》大家庭越來越大，有意邀請澳門的唱將朋友參加，希望節目追夢的氣氛可以繼續傳承下去。「澳門好多有才華嘅人，唔止古淖文同Soler，（怕後浪推前浪？）唔會嘅，不過我都籌備緊演唱會，希望盡快有消息可以公布啦！」至於「輕鬆啲」直播中，劉威煌、顏米羔、譚輝智、梁思傑、甘永傑、王嘉明、梁浩賢及龍導潘文龍暗示將會舉辦「輕鬆啲」演唱會，米羔說：「目標係訂咗，不過十劃未有一撇，（今年內？）目標係今年內，要努力去實行。」至於譚輝智會否搞Part2？他說：「搞咗輕鬆啲先，唔好搞我啦！（到你扮超人？）我脫呀，未講完，脫...胎換骨，做底褲超人。」
而顏米羔在巡禮活動現場偶遇三屆視帝黎耀祥，即時興奮舉起手機邀請自拍合照，他表示：「終於碰到面，我由細到大都被人講似黎耀祥呀，好多年喇，我連自己都覺得似，特別係『咪』緊個嘴啲表情就似，咁當然佢型好多啦！第一次碰到面，好彩有手機喺身，即時自拍Po上網！」
活動上，有三姐蕭秀香的全新煮食節目，更邀請羅啟豪和譚輝智做試食專員，莫非兩人將合作拍綜藝節目？輝智否認此事，「你邊度聽番嚟？唔好嚇我，只係負責介紹個節目，唔好啦！（唔想做綜藝節目？）如果我煮米羔食，我又無妨喎！」米羔笑言：「我有買保險，我可以！佢哋唔做嘅全部我做埋，煮嘢食我都啱！」古淖文坦言好恨做旅遊節目，成班好友一齊去食、去玩，一定好開心，至於輝智表示只想做日本的旅遊節目，因性格不太適合綜藝節目，提到他演唱會解鎖搞笑成就，他說：「搞笑？我好認真呀喎！」
另外，除了「正路」的歌唱比賽外，TVB將成立「魔音女團」，預告片中所見，馮盈盈、郭柏妍和江嘉敏都試音兼獻唱，質素相當「驚人」，而譚嘉儀將會成為導師調較她們，成為女團正式出道？
」，
App內睇文同睇片可隨時捕捉U Fun彩蛋，
換領現金券及禮品！
【送PHYSIOGEL全新男士護膚系列】
↓ 為男士們全天候水分修復💧↓
↓【夏日密密賞☀️】輕鬆擁有迷人電眼⚡↓
↓免費換領Clalen海外限定款IRIS彩色日拋隱形眼鏡！↓
