周吉佩自從參加完《中年好聲音》後，工作量越來越多，吉太黃彥欣（Louise）成為「跟得夫人」，經常陪伴周吉佩出入開工幫手照顧。近日，兩公婆一齊周圍去工作，早前去英國後，近日又去澳門水上樂園拍攝。可以寓工作於娛樂，黃彥欣更著住三點泳衣，十分搶眼。
同場加映：中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石
周吉佩入行追夢十幾年，太太黃彥欣就一直陪伴鼓勵，直頭是「心腹大人」畀不少意見。他終於捱出頭越來越紅，吉太黃彥欣繼續做背後女人，除了打點家庭事務，照顧一對仔女之外，現在更貼身跟著老公周圍工作，周吉佩不時取笑，以「助手」來稱呼太太，他們早前一起去英國，兩公婆以英式貴族打扮出席活動，之後還在當拍拍攝MV，全程太太都有幫手，十分體貼。
近日，周吉佩再有機會去其他地方工作，今次就帶了囝囝和太太一起去到澳門的水上樂園，拍攝之餘亦都順便可陪囝囝玩水，黃彥欣穿上黑色三點式泳衣，騷出曲線身材。三人一起合照時，因為太瘦而特別搶鏡，不少人留言都覺得她瘦削。
朱智賢驚訝留言，「嘩，做乜咁瘦」、周美欣、支嚳儀等人都讚她好Fit。相中的黃彥欣除了手腳特別纖瘦之外，身上瘦到見骨，所以不少人都留言要她增肥，「妳乖乖哋，快D增肥。」不過，黃彥欣就斬釘截鐵回應：「唔得。」做了媽媽之後，仍然咁貪靚。
黃彥欣2007參選港姐，同年還有何傲兒、王君馨、黃智雯、趙希洛和張嘉兒等人參選。當時黃彥欣只得22歲，從泳裝環節見到，現在比當年更瘦，睇到畀人感覺我見猶憐。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
