由形象設計師兼化妝師RickyKAZAF開設的男士美容中心，昨日（6月2日）突然於社交平台宣布結業。中心表示稍後將主動聯絡每位客人，安排退款或轉交服務事宜。有參加年費計劃的苦主擔心冇錢賠，又指責中心無擔當「點解汁笠唔係提早講？有好多book咗嘅客，上ig 睇到先知以後唔開，安排都幾有問題」
RickyKAZAF在2年多前於尖沙咀美麗華廣場開設男士美容中心「RICKY KAZAF STORE」，昨日中午（6月2日）突然在社交平台宣布結業。公告中表示「抱歉我們沒有辦法再提供服務給你們。稍後我們會主動聯絡每位客人，安排退款或轉交服務事宜。詳情將於稍後再公佈。我們希望確保每位受影響顧客都得妥善安排，不受損失。」
RickyKAZAF早年開始在YouTube上載「素人大改造」影片，廣受好評。有網民留言表達不捨，亦有人建議假如再開店可以選址其他地段，「寧願你哋搬去個平租嘅地方，服務就可以收返平啲，咁先能夠繼續搵你地」、「租金貴，好多嘢都令到定價貴」、「希望你將來係更好嘅地方發展」、「多謝你曾經俾個平台我建立自己的力量。」
不過，亦有網民質疑結業決定，認為店方沒擔當，不應在明知有經營壓力食情況下，近期繼續推年費計劃。有苦主留言「買完一年plan跟住2號即日話結束營業？」、「之前仲搞一年plan，收割最後一波韭菜，你都幾唔厚道」、「冇錢點退俾你啊 咪傻啦 明呃埋最後一浸水啦」、「寫得希望確保都係俾自己留個尾巴後路自己走數啫。」
有苦主表示自己人不在港，曾多次嘗試預約都滿額無位，最後終於成功預約6月頭，但店舖宣布結業，「你哋就話唔玩，交通酒店我都book好晒啦，咁邊個補償番俾我？」亦有網民指出，聲明指「『希望確保每位得到妥善安排不受損失』，希望確保 ≠ 100%確保可以退款。」有別於貸款人、供應商、投資者或員工，消費者獲償債的次序靠後，因為有顧客擔心最終無法獲償。
來源：RICKYKAZAFstore@Facebook、rickykazafstore@Instagram
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
