香港去年曾出現一名聲稱「救護員」的怪男，到處高價收購途人的二手襪，沈寂多時最近再現身？深水埗一間電子用品店主早前（30日）發文分享，指在街上遇到一名阿叔向其表示苦尋黑襪，最終用高價$500買走其穿著的二手襪，惟事後知悉「怪男」事跡後，無奈指「畀佢收集咗我隻襪」，再次引起全城討論。
深水埗電子特賣城店主早前（30日）上載一張截圖分享，顯示在街上有一名自稱做救護車（員）的阿叔，向其詢問「邊度有24小時惠康」打算買對黑色襪， 事主及後著他至附近酒吧「幫你問吓人」，惟對方不大情願，店主只好表示「咁我走喇幫你唔到」、「我對襪好貴」。
不過，該名阿叔就及時捉住事主，並著事主「開價」，事主向其表示「五舊（$500）」，對方同意後事主就「除咗對襪畀佢」，並上載一張手持$500紙幣的相片，留言指「典解我成日都遇到呢啲搞笑嘢」？
▼原帖▼
點擊圖片放大
然而，高價收購二手襪原來並非新鮮事，早於去年4月份東張西望亦曾經報道，指一位自稱救護員四處問人有沒有襪賣，更願意支付數百至千元不等，買走途人正在穿著的襪子，連藝人方力申、洪永城等都試過「中招」。
▼東張西望曾報道怪男▼
點擊圖片放大
今次怪男疑再現蹤跡，到處收購陌生人襪子實在可疑，店主翻查相關報道始知自己「中招」，無奈表示「畀佢收集咗我隻襪」，令不少網民哭笑不得。有網民直言「好搵過六合彩」 、「佢係邊到出現，等我遇到都開$1000先」，認為相當好賺。不過都有人感覺嘔心，「重點係要二手，有味嘅」。
▼網民留言▼
此外，有網民亦分享曾經類似的經歷，但就聲稱自己是做「炒散」、「消防」等，同樣向路人購買二手襪。
▼網民分享▼
點擊圖片放大
資料及圖片來源：Facebook@深水埗電子特賣城、東張西望節目截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
