現年56歲、「十大惡人」之一黃子揚日前宣布老來得子，曾經歷三段婚姻嘅佢一直無所出，有子萬事足嘅子揚一臉和善，奶爸上身完全變咗第二個人，恭喜恭喜！
日前子揚於抖音宣布兒子出世了，post出同太太影嘅大肚靚相，分享待產到囝囝出世嘅片段。老來得子嘅子揚顯得好興奮，又大讚老婆「大王」佗b嘅時候都咁靚，指老婆非常勇敢，最怕針嘅佢都捱過多次抽血：「大王你是我心中的Hero，你是最棒的！感謝主小BB順利誕生，從此生命又多了一份牽掛！」黃子揚仲扮鬼扮馬氹坐緊月嘅太太：「祝我的大朋友小朋友，節日快樂！你們是我天空中最亮眼的星，愛你們！＃剛出生的寶寶」
「十大惡人」之一黃子揚多年來都係電影中做奸角，現實生活中都被視為「情愛大奸」。1989年時，惠英紅同細佢9年嘅黃子揚拍拖，黃子揚當時多次喺傳媒前表示會娶惠英紅，但後來有小三搵惠英紅「講數」，揭發黃子揚一腳踏四船，同張致恒有得揮。而據知當時其中一位女友就係佢第二任妻子Winnie，惠英紅怒指呢一段感情係佢嘅人生污點，用「劫財劫色」嚟形容黃子揚。
後來黃子揚同Winnie拖拉多年，98年黃子揚突然同外籍女友Tina結婚，「失戀」嘅Winnie轉投黃子揚好兄弟林俊賢懷抱，兩兄弟仲因此反目，關係七國咁亂。不過後來2000年黃子揚同第一任妻子Tina離婚，2002年同Winnie舊情復熾，最終黃子揚同Winnie2011年結婚，可惜2016年都係離婚告終，二人一齊嘅15年期間，都一同撫養林俊賢同Winnie嘅囝囝。2017年，黃子揚再娶細佢20年嘅經理人李倩，二人經常喺網上曬恩愛，一啲都唔吝嗇讚美太太，成個人回春咗廿年。
圖片來源：WEIBO
」，
App內睇文同睇片可隨時捕捉U Fun彩蛋，
換領現金券及禮品！
【送PHYSIOGEL全新男士護膚系列】
↓ 為男士們全天候水分修復💧↓
↓【夏日密密賞☀️】輕鬆擁有迷人電眼⚡↓
↓免費換領Clalen海外限定款IRIS彩色日拋隱形眼鏡！↓
