現年44歲嘅林峯因為電影《九龍城寨之圍城》再創事業高峰，不過佢都擺好多時間喺屋企，同老婆糖黐豆。日前林峯太太張馨月Post出一系列相，其中一張惹嚟大肚惹雲，如果係真，真係雙喜臨門！
同場加映：中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石
林峯於電影《九龍城寨之圍城》中飾演陳洛軍一角，睇過嘅都大讚佢表現出色，成功洗甩電視味！林峯最近仲要忙宣傳劇集《家族榮耀之繼承者》，仲為電影謝票，真係忙到甩碌。不過佢都冇冷落嬌妻張馨月，多日都見到佢同太太糖黐豆，仲一齊去太太嘅朋友聚會以及去欣賞《九龍城寨之圍城》。
日前張馨月就獨力為囡囡學校活動奔波，佢留言：「學校6-1兒童節的義賣活動，攬下了30份的紙杯蛋糕🧁，40份的鉢鉢雞（辣和不辣各20份）現場一頓推銷這一天終於忙完。」喺佢分享嘅相片中見到佢為囡囡整嘅cupcake，又有佢同囡囡嘅自拍合照，不過最特別莫過於最後一張乾杯相，張馨月喺Instagram更留言：「與眾不同」相中見到佢嘅友人都係飲酒，唯獨佢一個係飲熱茶，令到大家揣測係咪再次有喜，旺到爆嘅林峯再有喜事。
林峯4年前第一次做爸爸，有指財力豐厚嘅佢安排太太入住深圳一間高級月子中心，住的總統套房，一個月收費達36.8萬元人民幣(約42萬港元)，當時林峯於中山拍攝劇集《星辰大海》，方便照顧張馨月。林峯喺老婆生完冇耐已經表示想追多個小朋友湊夠好字，為囡囡添多個細佬一齊玩，不過後來一直冇聲氣，林峯都表示只能夠順其自然：「我都想湊夠個『好』字，若然有兩個女都會開心，小朋友可以有個伴，以前我好驚生小朋友會好煩好嘈，感恩我個女唔係咁。」
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】The Big Bounce 電子門票！↓
↓ 全球最大充氣城堡/ Sport Slam體育狂熱/黑夜彈跳派對↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
