前TVB藝人黃澤鋒嘅太太陳麗麗4年多前以「超高齡」誕下女兒黃熙恩（小黃妃），外間一直都有唔少聲音指二人「唔適合」做父母。近日黃澤鋒一家三口接受ViuTV節目《不一樣的爸媽》訪問，剖白二人呢幾年為人父母嘅心路歷程。
同場加映：中年好聲音2丨譚輝智為仔女做好榜樣追求成就 公開得獎感言：勿讓渺小顧慮成絆腳石
黃澤鋒一家現身ViuTV節目《不一樣的爸媽》做嘉賓，同時都係第二次結婚嘅黃澤鋒同陳麗麗都異口同聲指大家係適當時候遇到適當嘅人，二人結婚時已40歲，「努力」九年都未能懷孕，正當打算放棄先遇到天賜小黃妃。黃澤鋒指自己生於60年代，但媽媽都四十多歲先生佢，而陳麗麗嘅阿姨、舅父都比佢年紀細，所以喺二人心中一直都唔覺得年齡係一個問題。
不過陳麗麗懷孕期間受到外間唔少抨擊，陳麗麗指自己冇理外間反應，覺得家人先係最重要，黃澤鋒亦表示：「人哋點講我控制唔到，只係諗太太嘅心理係點樣控制，我乜都做唔到，佢嘅辛苦我又唔知，唯一係喺心理上點樣支持佢。」主持人李敏亦問到二人於湊小朋友時有冇因為年紀大遇上實質問題，陳麗麗指的確要同小朋友「鬥智鬥力」，所以依家佢都係全職媽媽，近年佢為咗保持健康體魄仲開始學跑步，而夫妻二人都不斷學習，與時並進。
黃澤鋒指阿女係比較成熟嘅小朋友，母親過身時囡囡主動安慰，平時遲番屋企佢都會「管家婆」上身。節目中李敏有一段時間同小黃妃獨處，佢提到小黃妃曾經被同學仔取笑媽媽「老」，不過小黃妃似乎冇唔開心，仲超老積反安慰媽媽：「係呀，媽媽就喺度唔開心，我同佢講次次都係咁，我都唔知佢叫乜名，下次一見到我就鬧佢。（你點安慰媽媽？）其實媽媽都唔老呀，仲好靚女。」可愛嘅小黃妃仲「戙高腳」表示自己日常怕爸爸多過媽媽：「爹爹係最惡嗰個，媽媽冇咁惡，我咪聽爹爹講嘢囉！」主持人就叫佢唔可以恰媽媽，小黃妃聽完道理之後亦「生性」認同。
2019年黃澤鋒與太太陳麗麗齊齊以52歲高齡榮升父母，陳麗麗剖腹誕下小黃妃，「超高齡產婦」由懷孕到生BB都「搵命搏」。黃澤鋒透露當時原本想親眼睇住囡囡出世，但由於太太突然需要由半身麻醉改為全身麻醉，被醫生請出手術室。陳麗麗當時因為血壓問題有機會中風，母女產後都入ICU，留院數日後先可以出院。
圖片來源：影片截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】卡樂B Jagabee茄汁味波浪薯條！↓
↓ 酸酸甜甜，香脆可口！↓
