簡淑兒罕有大解放曬泳照露事業線 麥大力拆石膏即與最佳女友旅行?

文: 余美鳳
2024.06.05

現年34歲嘅簡淑兒(Jessica)早前為咗照顧受傷男友麥大力(Derek)停工,成日去旅行嘅佢近日都冇再去玩,不過日前佢就展開咗泰國之旅,仲罕有大曬泳照,網民都好期待佢再派多啲福利!

同場加映: 娛樂 • 中年好聲音2丨譚輝智為仔女做好榜樣追求成就 公開得獎感言:勿讓渺小顧慮成絆腳石

Jessica近日去到泰國布吉旅行,幾日前都只係分享一啲得個影嘅泳池片,今日就上載多張泳衣相,雖然唔係三點式,但超低胸設計都非常性感,仲露出深長事業線;而佢嘅橙紅色波點泳衣仲為佢增添多幾分可愛,感覺一啲都唔賣弄。相中仲見到佢對鏡頭畀心心,電力十中,而佢小蠻腰都係其中一個重點,比起佢之前操練得好行嘅腹肌又係另一種健康美。
 
相中疑似係男友視角,不過男友麥大力兩日前就仲喺澳門嘅跛腳梯留影,雖然已經拆晒石膏,但相信放緊病假嘅佢都唔可以四周圍去喇。Jessica仲喺男友相片留言問:「Who’s the best?(誰是最好的?)」麥大力都有畀LIKE回應默認佢係「最佳女友」。
 
 
麥大力之前滑雪受傷扭斷大腿骨,Jessica為照顧男友而停工近3個月:「我之前同佢去美國滑雪,嗰次係佢第一次滑雪,佢依家已經好番好多。好多人都覺得佢行唔到好慘,但有朋友話其實Jessica仲慘。」簡淑兒指自己由完全唔識做家務變家務達人,廚藝亦突飛猛進,不過又因為同男友見面多咗而多咗嗌交,但就了解到對方唔同一面。不過講到幾時會拉埋天窗,Jessica就話要問番男友。Jessica稱發生意外時,慶幸自己家人都喺美國,姐姐連夜趕到當地幫忙:「因為Derek唔搭得飛機,我哋留咗喺美國個半月,我細佬讓咗間房畀我哋,我父母知道Derek上唔到樓梯,就將張床搬到地下客廳,佢都話之後要好好多謝我嘅家人。」

圖片來源:Instagram

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【6月限定雙重賞🎉】!↓

↓ 分享打卡靚相即免費送📸↓

↓ 分享打卡靚相即免費送📸↓