張致恒扮維尼𠱁病子雯雯消瘦 帶狗睇獸醫夫妻否認一騷賺七萬

文: 余美鳳
2024.06.06

張致恒(Steven)同太太雯雯一直都致力搵錢,一家六口總算都有飯食,早前雯雯拍片分享一家嘅日常,見到Steven慈父上身扮Winnie the pooh𠱁有病嘅三仔,混亂得嚟都好溫馨!

同場加映: 中年好聲音2丨譚輝智為仔女做好榜樣追求成就 公開得獎感言:勿讓渺小顧慮成絆腳石

雯雯出片分享佢一家嘅日常生活,早前母親節就同晒4個仔以及家傭姐姐一齊去睇動物,非常溫馨。之後一條片就係一連兩日為三仔天朗慶祝生日,片中見到夫妻二人帶大仔同三仔去睇「多啦A夢無人機表演」,之後再一家去兒童遊樂場再去IKEA食飯,同一般家庭嘅分別就係爸爸媽媽都有時間陪伴,相當幸福。之後就係返到屋企切蛋糕慶祝,相信小朋友見到精美嘅珍寶珠蛋糕都會好開心,不過相對少出鏡嘅二仔天牧就「苦瓜乾」咁,唔太開心。而Steven好好咁着上淘寶維尼小熊人偶裝𠱁仔仔,做個廿四孝爸爸,都唔係雯雯講到咁懶!

 

 

雯雯長期都抱住三仔,佢片尾透露囝囝白血球過低,唔怪得特別照顧!屋漏逢夜雨,雯雯一家都特別多慘事,片中佢仲同狗狗去到元朗一間「養和級」嘅24小時獸醫診所,之前佢都透露狗狗有癌症,未知係咪狗狗有咩突然狀況。

 

 

眾所周知睇一次獸醫都好「和味」,不過Steven早前終於有騷接,相信都可以負擔到醫療費。張致恒最近不止一次去內地登台,有網民問到張致恒出場費時,片主就指要「七萬」,不過張致恒同雯雯都同聲同氣否認。雯雯先發聲:「七萬?如果係,我而家唔使咁乞丐。」張致恒就疑似因而被追債:「搞到個個都嚟問我係咪收七萬,係收七萬我就唔使咁閉翳啦!」、「我收七萬蚊一場我就唔使咁辛苦去打工啦,就係網友一句亂講嘅說話搞到我而家好麻煩,我只係想努力工作努力生存努力搵錢,求下你哋畀條路我行啦,應付到屋企開支,如果有多餘嘅錢我一定會還畀人。」

 
 
 
 

 

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】「唧唧裝」驅蚊劑!↓

↓滿分好評!一支驅蚊+防床蝨~↓

↓滿分好評!一支驅蚊+防床蝨~↓