不一樣的爸媽|走出喪夫之痛成開明媽媽撐兒子追夢 儲3萬件海賊王收藏成「世一」

文: 程家健
2024.06.07

玩物喪志,大部份家長都不希望子女太過熱愛動漫作品,媽媽Annie卻是反其道而行,不但接受兒子多元發展,甚至自己身體力行,與囝囝一齊行街買精品甚至在動漫活動Cosplay,成功透過走入兒子內心世界打破兩代人隔膜,關係非常融洽。

Viu TV節目《不一樣的爸媽》日前一集訪問動漫作品《海賊王》(One Piece)的周邊產品收藏家路飛,他在工廈倉庫收藏了超過3萬件海賊王商品,令他成為健力士世界紀錄保持者。對於兒子已對《海賊王》產生無限熱愛,媽媽Annie雖然未必真正明白兒子喜好,但僅僅是願意接納與嘗試理解,就已經反映到媽媽的無形鼓勵與支持。

 

 

丈夫離世埋下母子心中芥蒂

媽媽Annie受訪時透露自己早年喪夫,親戚為助其走出傷痛而經常帶她外遊散心,另一方面又在兒子路飛面前故作堅強,原意不過是不想將「負能量」傳給兒子。未料在路飛眼中,媽媽非但在爸爸離世後顯得漠不關心甚至經常外遊,一場誤會埋在兩母子心中形成心結,直到有一天路飛願意將心中所想與媽媽傾訴,二人才總算冰釋前嫌。

動漫嗜好成母子溝通橋樑

路飛熱愛《海賊王》,不但表現在收集周邊商品,更是動漫節中Cosplay(角色扮演)的常客。媽媽Annie為走入兒子世界就曾往動漫活動場地「探班」,其後甚至受Cosplay的歡樂氣氛感染而「玩埋一份」,與囝囝一同扮起作品中的角色拍攝一輯相片,成為兩母子難忘而獨特的回憶。

路飛直言曾因對《海賊王》的熱愛而遭人白眼。為將自己的興趣化添上正面意義,路飛就開始以健力士世界紀錄為目標。事實上,路飛經已娶妻甚至已為人父,他希望將自己的興趣化為動力,目標是考取本地船長牌,一方面想為兒子樹立榜樣,同時希望兌現對媽媽許下的承諾,親自開船接一家人出海。

 

 

由打破世界紀錄到做船長:媽媽畀我支持最大

對於媽媽敞開心窗接受自己,路飛直言覺得自己「好運」。他指自細媽媽就以開放態度與他相處「唔會話讀書一定要有100分」,只想他找到自己的目標努力去做,令他有充分空間去發展個人長處及興趣,

「無論去做船長或者打破世界紀錄,媽媽畀我嘅支持係最大。」

媽媽Annie亦坦言,路飛結婚並且成為人父之後,整個感覺較以前成熟,更不需媽媽日夜掛心。

「我唔會成為佢嘅負累,佢開心時我都開心,將來我見到佢爸爸都可以好好交代。」

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

【送PHYSIOGEL全新男士護膚系列】

↓ 為男士們全天候水分修復💧↓

↓ 為男士們全天候水分修復💧↓

↓【夏日密密賞☀️】輕鬆擁有迷人電眼⚡↓

↓免費換領Clalen海外限定款IRIS彩色日拋隱形眼鏡!↓

↓免費換領Clalen海外限定款IRIS彩色日拋隱形眼鏡!↓