鄭世豪鍾情店長貓阻B每晚探訪 放工路過必影相儲大量「閃卡」

文: 余美鳳
2024.06.10

香港越來越多愛貓人士,當中店長貓特別受到關注和愛護。在Facebook有一個「香港貓店長關注組」,就集合了一班熱愛追捧店長貓的網民,他們不時分享不同貓店長的日常可愛得意樣。本身也是「貓奴」的鄭世豪,同樣也有呢個喜好,經過店舖都會探望好朋友。最近其唱歌學校搬到旺角,就在喜歡「阻街」的花貓「阻生/阻B」所在店舖附近,可以經常路過見到阻B。

同場加映:中年好聲音2丨譚輝智為仔女做好榜樣追求成就 公開得獎感言:勿讓渺小顧慮成絆腳石 

一群愛店舖貓的網民,熱愛程度很高,成立了關注群組,不時在群組內,有很多粉絲分享影到的貓貓靚相。特別受歡迎有愛在行人路陪其他人等巴士的「阻B」,還有生果店的「寶寶」等;至於網購店實體舖的貓店長嘟嘟更威到有自己專頁。早前,一班網民就舉辦了民選最受歡迎店長貓選舉,有網民為了心水靚貓而自願做助選團拉票,認真得整埋拉票宣傳照片,似足真實立法會選舉。

鄭世豪都係貓奴之一,他對阻生似乎情有獨鍾,時常會經過舖頭都會好有心,探望牠。每一次,他都會把握機會影低牠不同的得意樣子,儲了不少不同阻B不同甫士的閃咭。日前(6日),他又跟阻B見面,今次就靜靜地走近牠身邊影相,怕大動作會嘈醒正在做睡寶寶的阻B。

之前幾次經過舖頭,鄭世豪同樣是追著阻B會影幾張沙龍,不過每一次,都唔算好成功影到最靚的一面,有時仲會幾失望,有幾次他想影到阻B的正面得意樣,阻B好似知道他的行為,而偏偏作對。最終一次讓他成功影到,還表示:「終於可以影到你正面,影到了,你又用回背脊對住我。」不過,這就是愛貓的樂趣,鄭世豪一點都不介意。

鄭世豪接受本網訪問時表示,近年唱歌學校搬到旺角區,在阻B守護的店舖附近,所以會經常見面。每晚放工回家路上,必經過阻B的店舖,所以變成習慣去探望:「阻B阻我年幾喇,我同阻B好多互動,因為差唔多每晚教完唱歌,都要行去阻B地頭嗰個巴士站搭車,每次都期待見到佢,一邊行一邊諗佢今晚阻緊啲咩呢?」其實鄭世豪跟其他網民一樣鍾情店長貓,有時路經舖頭見到,若不阻礙老闆做生意的話,他都會跟店長聊天。因為時常見面,鄭世豪都儲落不少閃咭,照片、影片樣樣有,有時阻B會在巴士站行來行去,亦試過不在店舖內令他撲個空。

 

以前,鄭世豪都曾經飼養一隻灰色貓「吉爺」,他笑言最初見面時,會有感召的感覺,吉爺的擺出一副哀求的眼神,而且吉爺長時間嬌嗲,經常靠在身邊:「佢同個名一樣,好似大爺咁樣,佢長時間都要你摸住佢,令到佢覺得好歎。」另外,養過一隻「棉花」,棉花離開屋企移居彩虹橋之後,鄭世豪都會不時掛念,會出Po表示愛意,希望將來再有另一個機會相遇。不過暫時並未飼養其他小貓:「但我暫時冇再養貓了,離別嘅時候,好難過好痛,但如果有緣份再養,一定只會領養好了。」

相片來源:受訪者提供

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群請您睇】 "The Parallel Live" 音樂會↓

↓ 周國賢x方皓玟聯手合作↓

↓ 周國賢x方皓玟聯手合作↓