袁偉豪夫妻檔上節目湊小朋友被催再生B 張寶兒開到聲願意追多個冧到爆

文: 羅志宏
2024.06.07

TVB育兒真人騷節目《學神爸媽Get Set Go!》今晚(7日)播映最後一集,邀來「學神爸媽」袁偉豪(Ben)、張寶兒(Bowie),及「老手爸爸」森美擔任嘉賓,齊齊接受連串「育兒」挑戰,並由臨床心理學博士Ming負責即場分析及點評各人表現。

節目中,森美催Ben和Bowie快啲追多個小朋友:「你哋依家學到點湊小朋友啦,係時候快啲生多個啦!」阿Ben甜笑問老婆:「生多個喎?」Bowie則笑笑口回應:「生囉!」冧到爆。

節目中,三位嘉賓首個任務,要在10分鐘內引導兩兄弟射入相同數量的籃球,並從中找出他們難湊的原因。在頭三集甩碌無極限的Ben,來到最後一集來個大蛻變,對小朋友多了細心聆聽,很快便與兩位小主角打成一片,只是礙於年紀較細的Arthur不受控只顧自己玩,令Ben未能順利完成任務;之後森美接力上場,出名「轉數快」的他以「比賽形式」及「古惑的賽制」成功氹掂兩兄弟射入相同數量的籃球,相當醒目。

原來兩兄弟難湊的原因是「年齡有差距玩唔埋」,接下來的第二個任務是要哥哥將食物平均分配給弟弟,率先上場的Bowie同樣Hold不住場面,哥哥Aiden胡亂地分配食物,聽到細佬Arthur不想吃甜食,竟將所有糖都分給弟弟!接力上陣的森美甫出場即胸有成竹,即使製作組將難度加碼將要分配的食物換成兩兄弟最愛的芒果乾,森美亦以一招完美令兩兄弟公平地分配食物,Bowie見狀不禁讚嘆:「今日學到嘢!」

最終任務是要在30分鐘內令哥哥教好細佬打籃球各樣技巧,率先上陣的森美除去外套大晒爆肌,又細心教導哥哥要對細佬有耐性:「每次同細佬傾偈時,你試吓望住佢對眼。」Aiden跟足森美教導去做,惟Arthur繼續放飛自我自顧自玩,即令Aiden大感氣餒:「呢個方法唔Work喎!」此時由「豬隊友」升呢「好隊友」的Ben突然「神助攻」,從遠處大聲熱血mode鼓勵細佬:「快啲射啦,仲有一球咋!」,一臉的熱情、真摯及關愛,成功令細佬重燃意志順利完成任務,看來Ben在製作組的悉心調教下果然有顯著進步。

同場加映:【香港周圍遊】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群請您睇】 "The Parallel Live" 音樂會↓

↓ 周國賢x方皓玟聯手合作↓

↓ 周國賢x方皓玟聯手合作↓

↓【夏日密密☀️】體驗劍擊樂趣🤺↓

免費換領英匯劍擊學院兒童劍擊體驗堂+劍擊手套!

免費換領英匯劍擊學院兒童劍擊體驗堂+劍擊手套!