獨家丨58歲梅小惠穩重男友首次曝光 阮兆祥唔使「認頭」曾許埋單承諾

同場加映： 父親節快樂｜ 鄭俊弘兒患天使綜合症最享受沖涼 感激囝囝：佢令我學識活在當下

日前有讀者報料，見到梅小惠同男友以及一班友人去到紅磡街市嘅平民熟食市場開餐，男友講嘢時，梅小惠都不時含情脈脈咁望實佢，勁sweet！相隔不遠嘅讀者指都聽到小惠嘅獨特聲線同招牌笑聲，仿如睇緊90年代嘅TVB呀！相中見到小惠不施脂粉，雖然有啲憔悴，但都好精神；而男友睇落就好穩重，一頭白髮似乎同小惠差唔多年紀，非常合襯。

梅小惠多年來都冇咩緋聞，係同曾偉權13年嘅戀情最為人所熟知。曾偉權係梅小惠初戀男友兼唯一承認過嘅戀人，二人於1986年於亞視邂逅，相戀13年分手收場。曾偉權生前曾承認對梅小惠有歉意，指自己蹉跎女方歲月，梅小惠就曾表示自己已放下多時：「一路以來，很感激權權由我21歲開始對我的保護，令我無被人欺騙，也讓我有了小家庭的感覺，可以專心工作。到最後要分開，其實不是單方面的責任，或許我自己也沒做好。」當年二人為結婚與否出現意見分歧，梅小惠透露當年受唔住分手打擊而瘋狂購物兼體重跌至98磅。

+14

+13

點擊圖片放大

梅小惠當年同老友阮兆祥咁啱齊齊失戀，因此相依為命， 阮兆祥為陪梅小惠走出失戀傷痛更搬去佢隔籬住；之後兩人一齊投資做生意，又於2012年合資500萬購入太子道青雲閣的單位作投資用途，十分信任彼此。阮兆祥曾向梅小惠承諾過「50歲仲未嫁人，我就會娶梅小惠」，而阮兆祥已有一位拍拖20年、感情穩定的圈外女友Crystal，女友亦同梅小惠相識，更曾向女友開玩笑：「如果我實踐50歲娶小惠嘅承諾，記得小惠做大，你做細。」

不過阮兆祥之後有解釋同梅小惠係兄弟情，甚至已昇華到家人的關係，仲會邀請對方同屋企人食飯，友誼之深厚實在十分難能可貴！